काठमाडौं । फ्रान्सका लागि पूर्व नेपाली राजदूत केशव झा मृत अवस्थामा भेटिएका छन् । महानगरिय प्रहरी परिसर काठमाडौंका एसएसपी वसन्त लामाका अनुसार झा  बबरमहलस्थित आफ्नै घरमा मृत अवस्थामा भेटिएका हुन् । ‘बाहिरबाट कोठा लक भएको देखिन्छ । तर, शरीरमा चोटपटक लागेकाले घटनाबारे त्यसै भन्न सकिन्न,’’ एसएसपी लामाले भने ।

झा की श्रीमती अर्को कोठामा सुतेको र घरमा काम गर्ने कामदार पनि घरमै रहेको अवस्थामा मृत अवस्थामा भेटिएका हुन । झाका छोरा नेपाल बाहिर रहेको बताइएको छ । घटनाबारे अनुसन्धान भइरहेको एसएसपी बसन्त लामाले जानकारी दिए ।

झा परराष्ट्र मामिला जानाकारसमेत हुन् । उनले ३४ वर्ष परराष्ट्र सेवामा बिताएका थिए ।