साहित्य
काठमाडौं । चलचित्र ‘मेरी मामु’ को ट्रेलर सार्वजनिक गरिएको छ । सन्तोष सेन निर्मित चौथो चलचित्र ‘मेरी मामु’ को बिहीवार ट्रेलर सार्वजनिक गरिएको हो ।
निर्माता सेनका ६ वर्षे छोरा आयुब सेन मुख्य भूमिकामा रहेको चलचित्रको ट्रेलरमा बालकको आमाप्रतिको माया देखिन्छ । बाल मनोविज्ञानमा आधारित चलचित्रमा कुसुम गुरुङले आयुबकी आमाको भूमिका निर्वाहा गरेकी छन् भने पिताको भूमिकामा अभिनेता शारुक ताम्राकार देखिदैछन् ।
अभिनेत्री अश्लेषा ठकुरीको पनि चलचित्रमा प्रमुख भूमिका छ । आमा–छोरा बीचको दूरी र आत्मीयता नै चलचित्रको मुल कथा रहेको निर्माण पक्षले बताउँदै आएको छ ।
यम थापाले निर्देशन गरेको चलचित्र भदौ १८ गते प्रदर्शन हुँदैछ ।
प्रकाशित मिति: बिहीबार, साउन ३१, २०७५ १७:०७
प्रतिक्रिया दिनुहोस्