काठमाडौं । अभिनेता विपिन कार्कीले पुस्तक लेख्ने भएका छन् । चलचित्रमा अभिनय गर्दाका रमाइला क्षण र आफूले निभाएको चरित्रमा केन्द्रित रहेर विपिनले पुस्तक लेख्न लागेका हुन् । 

“चलचित्रमा अभिनय गर्दा मैले निर्माण गरेका चरित्र र उक्त चरित्र निर्माण गर्दाको अनुभव संगालेर पुस्तक लेख्न लागेको हुँ,” विपिनले भने, “चलचित्रमा चरित्र निर्माण गर्न कति कठिनाइ हुन्छ र त्यसका लागि समय खचिनुपर्छ भन्ने विषयमा पुस्तक केन्द्रित हुनेछ ।”

चलचित्रमा भर्खर प्रवेश गरेको र नयाँ आउने पुस्तालाई आफ्नो चरित्र निर्माणमा सहयोग गर्न पनि पुस्तकले भूमिका खेल्छ भन्ने अपेक्षा रहेको कार्की बताउँछन् । 
वि.सं. २०७६ को वैशाखमा प्रकाशनको लक्ष्य रहेको उनले बताए । चलचित्र बुकहिल पब्लिकेशनले प्रकाशन गर्ने बताइएको छ । “हिजो (बुधबार) बुकहिलसँग पुस्तक लेखनका लागि सम्झैता गरेको छु,” उनले भने, “भूपेन्द्र खड्काले नै मैले मेरो चरित्र निर्माणमा गरेको मेहन र संघर्ष सुनेर बुक लेख्न भन्नुभयो, उहाँको आग्रहलाई स्वीकार गर्दै लेख्न तयार भएको हुँ ।”

पुस्तक उनी आँफै लेख्ने छन् । साहित्यमा अहिलेसम्म उनले कलम चलाएको नदेखिए पनि आफूले फुसर्दमा लेख्ने गरेको सुनाए । “बुक लेखनको आफ्नै फम्र्याट हुन्छ । आफूसँग अनुभव र कथा मात्रै भएर हुँदैन,” कार्कीले भने, “त्यसलाई पाठकले रुचााउने गरि कसरी भन्ने इन्ट्रेस्टिङ तरिकाले लेख्ने भन्ने कुरा आउँछ । पाठकलाई सम्झिदा कताकता डरको अनुभूत पनि भैरहेको छ ।” 

रङ्गमञ्चबाट रजतपटमा उक्लिएका कार्की नेपाली चलचित्र उद्योगमा चरित्र निर्माण र अभिनयमा भर्सटायल अभिनेताका रुपमा परिचित  छ । चलचित्र ‘छड्के’ मा विन्दुको क्यारेक्टरबाट दर्शकमाझ नोटिस भएका उनी चलचित्र ‘पशुपतिप्रसाद’ बाट आफूलाई स्थापित गर्न सफल भएका थिए । ‘पशुपतिप्रसाद’मा कार्की ‘भस्मे डन’ को चरित्रमा छन् । यीनै चरित्र जन्माउँदाको अनुभव उनले आफ्नो पुस्तकमा एकाकार गर्न लागेका हुन् ।