एजेन्सी । गत महिना स्पेनिस क्लब रियल मड्रिडबाट युभेन्टसमा अनुवन्ध भएका क्रिष्टियानो रोनाल्डोले इटालीयन फुटबल लिग सिरि—ए मा आफू उत्कृष्ट खेलाडी भएको प्रमाणित गर्ने बताएका छन् । शनिबारबाट सुरु हुन लागेको सिरि ए मा उत्कष्ट प्रदर्शन गर्दै आफू शिर्ष खेलाडी भएको सिद्द गर्ने उनले बताएका हुन् ।
सिरि—ए शनिबारदेखि सुरु हुँदैछ भने ओपनिङ खेलमा रोनाल्डो सम्मिलित युभेन्टसले चिइभोविरुद्ध खेल्दैछ । रोनाल्डोले गएको हप्ता युभेन्टसबाट युभेन्टस बि विरुद्धको मैत्रिपूर्ण खेलमा डेब्यु गरेका छन् । युभेन्टसले पछिल्लो ७ वर्ष लगातार सिरि—ए जित्दै आए पनि च्याम्पियन्स लिग भने सन् १९९६ पछि जित्न सकेको छैन ।
त्यस्तै, रोनाल्डोले आफूलाई महत्वाकांक्षी र चुनौति मन पराउने खेलाडी भएको टेलिभिजन अन्तरवार्तामा भनेका छन् । रियलबाट ११२ मिलियन युरोमा युभेन्टस गएका रोनाल्डोले युभेन्टस आफ्नो मन पर्ने क्बल भएको बताएका छन् । साथै, उनले युभेन्टस आउनुको एक कारकका रुपमा त्यसलाई मानेका छन् ।
रोनाल्डोले यसअघि आफू रियल मड्रिडमा हुँदा युभेन्टससँग च्याम्पियन्स लिगमा भएको क्वाटरफाइनल खेललाई सधै सम्झने गरेको बताउँदै त्यो कहिलै बिर्सन नसक्ने बताएका छन् ।