काठमाडौं । ब्रान्डेड सामग्री बेच्दै आएको आरपी ग्रुपले थप नयाँ अन्तर्राष्ट्रिय ब्रान्ड नेपालमा भित्र्याएको छ । ग्रुपले अल्डो ग्रुप द्वारा निर्मित तथा उत्पादित अल्डो ब्रान्डका सामग्री नेपालमा भित्र्याउने तयारी गरेको हो ।
विश्व प्रख्यात ब्रान्ड अल्डोका सामग्री आरपी ग्रुपले एपी फुटवेयर एन्ड एसोसेरिज मार्फत नेपालमा बिक्री वितरण गर्ने भएको छ । एपी फुटवेयर एन्ड एसोसेरिजले अल्डो ब्रान्डको सोरुम ललितपुरको जावलाखेलस्थित स्टाण्डर्ड चार्टर्ड भएको भवनमा सञ्चालनमा ल्याउने भएको छ ।
नेपालीहरु ब्रान्डेड सामानप्रति आकर्षित हुँदै गइरहेको बेला कम्पनीले नयाँ ब्रान्ड नेपालमा भित्र्याएको हो । ब्रान्डप्रति सचेत उपभोक्ताका लागि एपी फुटवयर एन्ड एसोसेरिज अति उपयोगी हुने कम्पनीले बताएको छ ।
एपीले विशेषगरी, छालाबाट निर्मित तथा उत्पादित महिला तथा पुरुषका लागि जुत्ता चप्पल, ह्यान्ड ब्याग, ट्रली, लगेज, कम्प्यूटर व्याग, सिलिङ व्याग, बेल्ट पर्स जस्ता सामानको उत्पादन तथा विक्री वितरण गर्दै आएको छ । इन्डियन टेरेन, डामिलानो इटालीया र रोसो ब्रुनेलो जस्ता अन्तर्राष्ट्रिय  ब्रान्ड भित्र्याएको आरपी ग्रुपले निकट भबिस्यमा अरु प्रख्यात  ब्रान्ड पनि भित्र्याउँदै जाने जनाएको छ ।