काठमाडौं । चलचित्र ‘रोजीले आफ्नो गीत ‘फूल हैन...’ माथि म्युजिकल्ली प्रतिस्पर्धा आयोजना गरेको छ । उक्त गीतमाथि इच्छुकले म्युजिकल्ली भिडियो बनाउन सक्नेछन् । रोजी निर्माण कम्पनीद्वय गोपिकृष्ण मूभिज र आरोही इन्टरटेनमेन्टले पुरस्कार राशीसहितको म्युजिकल्ली कन्टेस्ट शुक्रबार घोषणा गरे ।
संयोजक सन्ध्या थापाका अनुसार प्रतिस्पर्धीले ‘रोजी नेपाली फिचर फिल्म’ नामक अफिसियल फेसबुक पृष्ठको म्यासेज बक्समा भिडियो पठाउन सकिने अथवा वालमा सेयर गर्न सक्नेछन् । थापाले अहिले पनि इन्स्टाग्राम र फेसबुकबाट भिडियो प्राप्त भैरहेको बताइन् ।
https://www.facebook.com/rosymovie/
विजयी प्रतिस्पर्धीमध्ये ५० जनालाई आकर्षक गिफ्ट ह्याम्पर, उत्कृष्ट १० लाई कलाकारसँग डिनर डेटले पुरस्कृत गरिने भएको छ । दोस्रो र तेस्रो हुनेलाई कुनै एक फिल्म इन्स्टिच्युटमा विजेताले रुचाएको विधामा छात्रवृद्धि दिइनेछ ।
सर्वोत्कृष्टलाई नगद १ लाख रुपैयाँले पुरस्कृत गरिने भएको छ । गोपिकृष्ण मूभिजको युट्युव च्यानलमा पोस्ट हुने भिडियोको भ्युअर्जका आधारमा उत्कृष्ट तय गरिने संयोजकले थापाले जानकारी दिइन् ।
गीतमा एलिस काकीको संगीत तथा प्रविशा अधिकारी र प्रताप दासको स्वर रहेको छ । प्रदीप खड्का, मिरुना मगर र परमिता राणा मुख्य भूमिकामा रहेको नीरक पौडेल निर्देशित क्राइम थ्रीलर चलचित्र आगामी २२ भदौमा रिलिज हुँदैछ ।