Skip Advt.
ad

साहित्य र कला

बहुपति प्रथामाथि बनेको चलचित्र ‘छिरिङ’ गीत रिलिज  

बहुपति प्रथामाथि बनेको चलचित्र ‘छिरिङ’ गीत रिलिज  

काठमाडौं । निमा रुम्बा र यशकुमार स्टारर चलचित्र ‘छिरिङ’को पहिलो गीत ‘तिमीले त मायाँमा...’ रिलिज भएको छ । यशकुमारकै संगीत, शब्द र स्वर रहेको गीतमा विन्दु परियारको पनि स्वर छ ।  

गीतमा निमा रुम्बा र डेब्यु एक्ट्रेस कामना भुजेल फिचर्ड छन् । हिमालपारिको थलो मुस्ताङको पठार, ल्यान्डस्केप, स्याउबारी, सांग्रिला र हरियालीलाई दृश्य देख्न सकिन्छ ।  

कागबेनी रिलिजको एक दशक पछि गायकसमेत रहेका निमा रुम्बाको कमब्याक भएको छ । 

दुई पति भएकी एक युवतीले गर्नुपरेको भौतिक, मानसिक, सामाजिक र सांस्कृतिक द्धन्द्ध चलचित्रको मुख्य कथावस्तु हो । उपल्लो मुस्ताङको सेट खडा गरिएको चलचित्रले त्यहाँ चल्तीमा रहेको बहुपतिप्रथाको कथा पेश गरेको निर्माण पक्षले जनाएको छ । चलचित्रलाई यशकुमारले निर्देशन गर्दैछन् । 

सुनिल माथेमा प्रधान, आइबी दर्नाल र नवीन बुढाथोकीको निर्माण रहेको चलचित्रलाई यश र याम थापासँग मिलेर लेखेका हुन् । चलचित्र आगामी असोज १२ गते रिलिज हुँदैछ । 

तपाईंको मत