काठमाडौं । चलचित्र ‘रोजी’ को गीत सार्वजनिक गरिएको छ । एलिस कार्कीद्धारा संगीतबद्ध गीतमा प्रताप दास र प्रविशा अधिकारीले स्वर छ । गीतमा राजेशकुमार श्रेष्ठको शब्द रचना रहेको छ । कविराज गहतराजको नृत्य निर्देशन छ ।
क्राइम थ्रीलर र रोमान्टिक जानराको चलचित्रलाई नीरक पौडेलले निर्देशन गरेका छन् । ‘कुसुमे रुमाल–२’ र ‘होमवर्क’ फेम्ड निर्देशक पौडेलको यो तेस्रो चलचित्र हो ।
अनुप सापकोटाको कथा र केदार भुषालको पटकथा रहेको चलचित्रले प्रेममा हुने बदला, प्राप्ती, घुम्ती, उतारचढाव र निर्दोषपनको कथा पेश गर्ने निर्माण पक्षले जनाएको छ ।
प्रदीप, मिरुना र परमिता राणा मुख्य भूमिकामा छन् ।
राजुविक्रम थापाको छायांकन, मित्रदेव गुरुङको सम्पादन, एलिस कार्की र अर्जुन पोखरेलको संगीत रहेको छ । भदौ २२ गते चलचित्र अल नेपाल प्रदर्शन हुनेछ ।