काठमाडौं । नेपाल प्रेस युनियनले केपी शर्मा ओली नेतृत्वको सरकारले दुईतिहाइको दम्भमा लोकतन्त्रको बाटो बिराएर प्रेसमाथि दमन गरेको बताएको छ । नेपाल प्रेस युनियनले जारी गरेको विज्ञप्तिमा भनिएको छ, “नेपालको संविधानअनुसार स्वतन्त्र प्रेसको जिम्मेवारी वहन गरिरहेका सञ्चारकर्मीमाथि प्रहरीले गरेको यो ज्यादती प्रेस तथा अभिव्यक्ति स्वतन्त्रतामाथिको ठाडो हस्तक्षेप भएको हाम्रो ठहर छ । यो घटनाले सरकार स्वतन्त्र प्रेसप्रति कति उदार छ भन्ने थप प्रष्ट्याएको छ । साथै आगामी दिनमा स्वतन्त्र प्रेसलाई निर्वाधरूपमा समाचार संकलनको वातावरण बनाउन र यस्ता घटना नदो¥याउन नेपाल प्रेस युनियन सरकारलाई चेतावनी दिन चाहन्छ ।”
शनिबार बानेश्वरमा भएको झडपका क्रममा नेपाल प्रेस युनियनका महासचिव अजयबाबु शिवाकोटी लगायतका पत्रकार घाइते भएको बताउँदै प्रेसमाथिको हस्तक्षेपको विरोध गरेको छ ।
यस्तो छ विज्ञप्ति
मिति : २०७५/०४/०५
प्रेस विज्ञप्ति
उपरोक्त सम्बन्धमा नेपाल तरुण दलले आज राजधानीको नयाँ बानेश्वरमा गरेको शान्तिपूर्ण जनप्रदर्शनको समाचार संकलन गरिरहेका सञ्चाकरकर्मीमाथि सरकारले गरेको दमनप्रति नेपाल प्रेस युनियनको गम्भिर ध्यानाकर्षण भएको छ ।
शान्तिपूर्ण जनप्रदर्शनको समाचार संकलनमा क्रममा सरकारले गरेको निर्मम दमनबाट नेपाल प्रेस युनियनका महासचिव एवं हाम्रा कुरा डट कमका प्रधान सम्पादक अजयबाबु शिवाकोटीलगायत सञ्चारकर्मी घाइते भएका छन् । नेपाल प्रेस युनियन सरकारद्वारा स्वतन्त्र प्रेसमाथि गरिएको यो ज्यादतीको घोर भत्र्सना गर्दै घाइते भएका सञ्चारकर्मीहरुको शीघ्र स्वास्थ्य लाभको कामना गर्दछ ।
नेपालको संविधानअनुसार स्वतन्त्र प्रेसको जिम्मेवारी वहन गरिरहेका सञ्चारकर्मीमाथि प्रहरीले गरेको यो ज्यादती प्रेस तथा अभिव्यक्ति स्वतन्त्रतामाथिको ठाडो हस्तक्षेप भएको हाम्रो ठहर छ । यो घटनाले सरकार स्वतन्त्र प्रेसप्रति कति उदार छ भन्ने थप प्रष्ट्याएको छ । साथै आगामी दिनमा स्वतन्त्र प्रेसलाई निर्वाधरूपमा समाचार संकलनको वातावरण बनाउन र यस्ता घटना नदो¥याउन नेपाल प्रेस युनियन सरकारलाई चेतावनी दिन चाहन्छ ।
प्रधानमन्त्री केपी शर्मा ओली नेतृत्वको सरकार दुई तिहाई बहुमतको दम्भमा लोकतन्त्रको बाटो बिराएर नेपाली प्रेसलाई दमन गर्न निरंकुश शैलीमा प्रस्तुत भएको हाम्रो ठम्याई छ । नेपाल प्रेस युनियन नेपालको संविधानले प्रदत्त गरेका स्वतन्त्रपूर्वक लेख्न र समाचार सम्प्रेषण गर्न पाउने प्रेस स्वतन्त्रता तथा जनताको स्वतन्त्रतापूर्वक बोल्न एवं हिडडुल गर्न पाउने मौलिक अधिकारको हेक्का राख्न सरकारलाई ध्यानाकर्षण गराउन चाहन्छ ।
बद्री सिग्देल
(अध्यक्ष)
नेपाल प्रेस युनियन
केन्द्रीय समिति