काठमाडौं । महानगरीय अपराध महाशाखा र महानगरीय प्रहरी परिसर ललितपुरको टोलीले २ थान पेस्तोल र ५६ राउण्ड गोलीसहित दुई जनालाई पक्राउ गरेको छ । पक्राउ पर्नेमा ललितपूर मंगलबजार बस्ने ३८ वर्षीय रामचन्द्र अधिकारी र खुमलटार घर भई तिखोदेवल बस्दै आएका ४१ वर्षीय रोशन सुब्बा लिम्बु रहेका छन् ।
उनीहरुको साथबाट २ थना पेस्तोल,म्याग्जीन ३ थान,५६ राउण्ड गोली,खुकुरी,चक्कु,तरबार लगायतका समाग्री बरामद गरेको परिसर ललितपुरका एसएसपी गणेश ऐरले बताए । ‘यो समुह भारतबाट हतियार ल्याएर नेपालमा सप्लाई गर्ने समुह हो, बाँकी अनुसन्धान जारी छ,’ एसएसपी ऐरले भने ।
यसअघि आइतबार मात्रै महानगरिय प्रहरी परिसर काठमाडौंका प्रहरी निरीक्षक अनिल ठकुरीको टोलीले एक थान पेस्तोल र पाँच राउण्ड गोलिसहित नखीपोटबाट कृष्णबहादुर जोशी, ठाकुरराम मोक्तान र हेमराज पौडेललाई पक्राउ गरेको थियो । आइतबार पक्राउ परेका र सोमबार पक्राउ परेको समुहबीच सम्बन्ध देखिएको एसएसपी ऐरले बताए ।