Skip Advt.

अर्थ व्यवसाय

मौद्रिक नीतिलाई पत्याएन सेयर बजारले ! अधिकांश समय राताम्य

काठमाडौं । बिहीबारको सेयर बजारमा रातो रंग पोतिएको छ । नेपाल राष्ट्र बैंकले आर्थिक वर्ष २०७५–७६ को मौद्रिक नीति सार्वजनिक गरेको भोलिपल्ट नै सेयर बजार परिसूचक दोहोरो अंकले घटेको हो ।

साताको अन्तिम दिन नेप्से परिसूचक घटेर बन्द हुने क्रममा १३.६६ अंकले घटेर ११९१ दशमलव ९८ अंकमा पुगेको हो । कारोबार सुरु भएको पौन घण्टा निरन्तर बढेर सुधार संकेत देखाएपनि त्यसयता भने क्रमशः ओरालो लागेको हो । 

नेप्सेले १२ बजेपछि कुनै समय पनि सुधारिने कोशिस गरेन । यसक्रममा “क” वर्गका कम्पनीहरुको कारोबार मापन गर्ने सेन्सिटिभ इन्डेक्स पनि २.९३ अंकले घटेर २५१.०५ अंकमा सीमित भयो ।

यसदिन ४५ करोड ४४ लाख रुपैयाँ बराबरको सेयर कारोबार भएको छ । यसक्रममा बजारमा १६३ कम्पनीका १६ लाख २० हजार कित्ता सेयर किनबेच भए ।

बिहीबार कारोबारमा आएका उत्पादनमुलक बाहेक सबै समूह राताम्ये हुँदा परिसूचक ओरालो लाग्यो । ती मध्ये सबैभन्दा बढी बीमा समूह सर्वाधिक १०७.५८ अंक (१.७६ प्रतिशत)ले ओरालो लाग्यो । त्यसैगरी होटल र लघुवित्त समूह क्रमशः ३७.६५ (२.०८ प्रतिशत) र ३६.०६ (२.२२ प्रतिशत)ले ओरालो लाग्यो ।

उत्पादनमूलक समूह भने २.८ को झिनो अंकले ओरालो लाग्यो ।

यसअघि मौद्रिक नीतिमा लगानीकर्ता सम्बोधन हुने अपेक्षा गरिएपनि आफू अनुकल नीति नआउँदा लगानीकर्ता हतोत्साहित बनेको जानकारहरुले बताएका छन् । मौद्रिक नीतिमा तरलताबाहेक कुनै व्यवस्थाले लगानीकर्तालाई छन नसक्दा बजारमासकारात्मक प्रभाग छोड्न नसकेको हो ।

बिहीबार सर्वाधिक कारोबार हुनेमा लक्ष्मी बैंक ६ करोड ५१ लाख रुपैयाँसहित शीर्षस्थानमा रहँदा कञ्चन विकास बैंकका लगानीकर्ताले सबैभन्दा बढी कमाए । बैंकका लगानीकर्ताको सेयर सम्पत्तिमा ८.५१ प्रतिशतको वृद्धि हुँदा नागबेली लघुवित्तका लगानीकर्ताले ६.७ प्रतिशत गुमाए ।

तपाईंको मत