एजेन्सी । रसियामा जारी विश्वकप फुटबलअन्तर्गत समूह ‘एच’ को खेलमा सेनेगलविरुद्ध जापानले गोल फर्काएको छ । जापानका लागि ७८औं मिनेटमा केइसुके होन्डाले गोल गर्दै सेनेगलविरुद्ध २–२ गोलको बराबरीमा पुर्याएका हुन् ।
यसअघि मौसा वागुइले गोल गर्दै सेनेगललाई अग्रता दिलाएका थिए । खेलको ७१औं मिनेटमा मौसाले गोल गरे । अहिले खेल २–२ गोलको बराबरीमा छ ।
सेनेगल र जापानले पहिलो हाफसम्म १–१ गोलको बराबरी खेलेका थिए । खेलको ३४औं मिनेटमा टाकाशी इमुइले गोल गर्दै जापानलाई बराबरीमा पुर्याएका थिए । यसअघि खेलको ११औं मिनेटमा साडिओ मानले गोल गर्दै सेनेगललाई अग्रता दिलाएका थिए ।
यसअघि समूह चरणको आ–आफ्नो खेलमा जापान र सेनेगलले जित हात पारेका छन् । जापानले बलियो प्रतिद्धन्दी मानिएको कोलम्बियालाई २—१ गोलले पराजित गरेको थियो । त्यस्तै, सेनेगलले पोल्याण्डलाई २—१ गोल अन्तरले पराजित गरेको थियो ।
