एजेन्सी । रसियामा जारी विश्वकप फुटबलअन्तर्गत समूह ‘एच’ मा आज जापान र सेनेगलबीच प्रतिस्पर्धा हुँदैछ । एसियाली मुलूक जापान आजको खेलमा जित निकाल्दै विश्वकपको नकआउट चरणमा पुग्ने लक्ष्यका साथ मैदान उत्रिनेछ । रसियाको एकान्टेरिनवर्ग एरिनामा जापान र सेनेगलबीचको खेल नेपाली समयअनुसार आज राती ८ बजेर ४५ मिनेटमा सुरु हुनेछ ।
यसअघि समूह चरणको आ–आफ्नो खेलमा जापान र सेनेगलले जित हात पारेका छन् । जापानले बलियो प्रतिद्धन्दी मानिएको कोलम्बियालाई २—१ गोलले पराजित गरेको थियो । त्यस्तै, सेनेगलले पोल्याण्डलाई २—१ गोल अन्तरले पराजित गरेको थियो ।
यी दुई टिमका. समान ३—३ अंक रहेको छ । यी दुई टिमबीचको विजेताको विश्वकप फुटबलको अन्तिम १६ पुग्ने सम्भवना प्रवल रहन्छ ।
हेड टु हेड
जापान र सेनेगलको यसअघि ३ खेलमा भेट भएको छ । जसमा २ खेलमा सेनेगलले जापानलाई पराजित गरेको छ भने एक खेल बराबरी खेलेका छन् । जापान र सेनेगलबीच सन् १९८७ मा भएको पहिलो खेलमा जापान र सेनेगलले २—२ गोलको बराबरी खेलेका थिए ।
त्यस्तै, सन् २००१ मा भएको मैत्रीपूर्ण खेलमा जापान सेनेगलसँग २—० गोलले पराति भएको थियो भने सन् २००३ मा भएको अर्को खेलमा पनि सेनेगलसँग १—० गोल अन्तरले पराजित भएको थियो ।