काठमाडौं । यस नेप्से परिसूचक गतसाताको तुलनामा २१ दशमलव ४३ अंकले ओरालो लागेको छ । साताको पहिलो दिनदेखि नकारात्मक रहेको बजार कारोबार भएको पाँचैदिन ऋणात्मक रहँदा १ हजार ३ सय ३९ दशमलव १९ अंकबाट सुरु भएको सेयर बजार १ हजार ३ सय १८ दशमलव २२ बिन्दुमा पुगेको हो ।
नेप्से परिसूचक घट्दा यससाता सेयर बजारको कारोबार भने ७७.७१ प्रतिशतले बढेको छ । ४ दिनमात्र कारोबार भएको अघिल्लो साता १ अर्ब ८ करोडको कारोबार भएको यससाता बढेर १ अर्ब ९२ करोड २७ लाख पुगेको छ । यसक्रममा १८३ कम्पनीका ४१ लाख ३७ हजार कित्ता सेयर खरिदबिक्री भए ।
नेप्से घट्दा यससाता लगानीकर्ताहरुको कूल सेयर सम्पत्ति २५ अर्ब ११ करोड रुपैयाँ घटेको छ । यससाताको बजार कारोबार बन्द हुँदा बजारको कूल पूँजीकरण १५ करोड ४७ लाख रुपैयाँमा पुगेको हो ।
नेप्से घट्दा यससाता “क” वर्गका कम्पनीहरुको कारोबार मापन गर्ने सेन्सिटिभ इन्डेक्स पहिलो दिनको तुलनामा ४.३७ अंकले घटेर २७७.८९ अंकमा पुगेको छ ।
सो साता कारोबार रकम र कारोबार भएको शेयर संख्याको आधारमा नेपाल इन्भेस्टमेन्ट बैंकको संस्थापक सेयर शीर्ष स्थानमा रहेको छ । गत साता ३ लाख ९६ हजार कित्ता बैंकको संस्थापक सेयर २२ करोड ८५ लाख रुपैयाँमा किनबेच भए । त्यसैगरी कारोबार संख्याको आधारमा बैंकमका सामान्य सेयर ७ सय २९ ओटा कारोबारसहित अग्रस्थानमा सह्यो ।
यससाता केप्से कुनै पनि कम्पनीका सेयर सूचीकृत भएनन् ।
समूहगत परिसूचकको यससाता लघुवित्त, होटल, उत्पादनमुलक र व्यापार समूह बाहेक सबै समूहको परिसूचक घटे । लघुवित्त समूहको परिसूचक १३ दशमलव १६ अंक, होटलको ४ दशमलव २३ अंक, उत्पादनमुलकको ११ दशमलव शून्य ७ अंक र व्यापार समूहको २ दशमलव ९६ अंकले बढेको छन् । त्यस्रगरी, बीमा समूहको परिसूचक सर्वाधिक १ सय ८९ दशमलव ८१ अंकले घट्दा विकास बैंकको ३३ दशमलव ६१ अंक, जलविद्युतको २६ दशमलव ८४ अंक, बैंकिङ समूहको परिसूचक २१ दशमलव १५ अंक, वित्त कम्पनीको ५ दशमलव ४५ अंक र अन्य समूहको २ दशमलव ९९ अंकले ओरालो लागेको छ ।
यससाताको समूहगत परिसूचक :