काठमाडौं । नेपाल इन्भेस्टमेन्ट बैंकले विदेशबाट पैसा ल्याएर नेपालमा ऋण लगानी गर्न इन्टरनेसनल फाइनान्स कर्पोरेसन (आइएफसी)सँग सम्झौता गरेको छ । सम्झौतापत्रमा बैंकका प्रमुख कार्यकारी अधिकृत ज्योतिप्रकाश पाण्डे र आइएफसीका आवाशीय प्रतिनिधि एमरेहान रसिदले हस्ताक्षर गरेका छन् ।सम्झौतापछि इन्भेस्टमेन्ट बैंकले आइएफसीसँग कर्जा लिन पाउने छ । सम्झौतापछि देशमा अहिले देखिएको आर्थिक तरलता समस्या केही हदसम्म कम हुने बैंकका सीईओ पाण्डेले बताए । आईएफसीबाट प्राप्त कर्जालाई राष्ट्र बैंकले तोकेअनुसारको क्षेत्रमा लगानी गर्ने उनको दावी छ ।
यसअघि इन्भेस्टमेन्ट बैंक र आइएफसीबिच व्यापार तथा वित्त क्षेत्रमा मिलेर काम गर्ने सम्झौता भइसकेको छ । सम्झौताअनुसार व्यापार तथा वित्त क्षेत्रमा ५० लाख अमेरिकी डलरसम्मको लगानी गरिनेछ । प्राप्त रकम नेपाली साना तथा मझौला व्यवसायलाई प्रोत्साहन तथा प्रवद्र्धन गर्न प्रयोग गरिने बैंकले जनाएको छ।
हाल बैंकले ७० वटा शाखा र ९८ वटा एटीएमबाट ८ लाखभन्दा बढी प्रायेगकर्तालाई बैंकिङ सेवा प्रदान गर्दै आएको छ ।