बीबीसी । अमेरिकामा बढ्दो चिनियाँ लगानीले ट्रम्प प्रशासनको चिन्ता बढाएको छ । यसैकारण अमेरिका विदेशी लगानीसँग सम्बन्धित नियमहरुलाई कडाई गर्ने बारेमा विचार–विमर्श गरिरहेको बीबीसीले आफ्नो समाचारमा उल्लेख गरेको छ ।
तर परिवर्तनबाट विदेशी लगानीमा कमी आउने र जागिरहरु प्रभावित हुने खतरा देखिएको छ ।
ग्रेटर सिनसिनाटी चाइनीज च्याम्बर अफ कमर्सका कार्यकारी निर्देशक लिओ चान भन्छन्, “चिनियाँ लगानी छ, यहाँ कम्पनीहरु खरिद भइरहेका छन् । प्mयाक्ट्री र रेस्टुराँ खुलिरहेका छन् । जसका कारण क्षेत्रमा जागिरको बढोत्तरीमा सहयोग पुगिरहेको छ ।’’
अमेरिकाको ओहियो सहरमा रहँदै आएका चानलाई विदेशी लगानीप्रति आशा बढेको समाचारमा जनाइएको छ । उनले यसअघि विदेशी प्रतियोगिता र वित्तीय संकटका कारण त्यहाँको निर्माण क्षेत्र नराम्रो अवस्थाबाट गुजे्रको बताए ।
चिनियाँ अर्थ व्यवस्थाबाट चुनौती
अमेरिकी सरकार चिनियाँ लगानीमाथि निगरानी गरिरहेको छ । उसले विदेशी लगानीलाई नियनत्रण गर्नका लागि नियमहरुमा कडाई गर्ने काम गरिरहेको छ ।
यद्यपि यसबाट अमेरिकाका दुई प्राथमिकताहरु, नौकरी र राष्ट्रिय सुरक्षाबीच एक–आपसमा टकराव आउने देखिन्छ । धेरै जसो कम्पनीहरु र कानून निर्माताहरुले नियममा कडाई गरिए पछाडि हट्ने चेतावनी दिएका छन् ।
तर, नेताहरुको मान्यता केही भिन्न छ । बढ्दो प्रविधि र चीनको अर्थव्यवस्थाबाट उत्पन्न चुनौतीहरुका कारण नियममा परिवर्तन आवश्यक रहेको उनीहरुको भनाई छ ।
https://www.bbc.com/hindi/india-44198893