काठमाडौं । लगातार घटेको सेयर बजार परिसूचकमा बुधबार सामान्य सुधार आएपनि कारोबार रकम कम देखिएको छ ।
पछिल्लो केही समय नकारात्मक बनेपनि बुधबार अचानक सुधारिएको हो ।
तर, बजेट र सरकारको नीति तथा कार्यक्रम आउने क्रममा लगानीकर्ता “पर्ख र हेर”को अवस्थामा रहँदा बजारमा कारोबार रकम भने उल्लेख्य बढ्न सकेको छैन । त्यसैगरी, लगानीकर्ताको केवाईसी अद्यावधिक गर्ने क्रम चलिरहँदा यसको प्रभाव बजामा परेको जानकारहरुको दावी छ ।
त्यसैको परिणाम बजारमा कारोबार रकम खासै बढ्न सकेको छैन ।
बुधबार पनि बजारमा यस्तै क्रम देखियो । कारोबार सुरु भएको केही समय सुस्त करोबार भएपनि पछि हवात्तै बढेको थियो । अन्ततः करोबार हिजोको तुलनामा ३२ प्रतिशतले बढेपनि उल्लेख्य ठूलो परिणामको सेयर किनबेच हुन सकेन ।
यसदिन नेपाल स्टक एक्सचेन्ज (नेप्से) पििरसूचक ४ दशमलव १६ अंकले बढेर १३३८ दशमलव शून्य १ को बिन्दूमा पुगेपनि कूल २२ करोड २० लाख रुपैयाँको सेयर किनबेच भए । यसक्रममा बजारमा १५८ कम्पनीका ४ लाख २३ हजार ३७६ कित्ता सेयर कारोबारमा आएका हुन् ।
बुधबार वित्त र उत्पादनमूल समूह बाहेका सबै समूहमा सुधार देखिँदा परिसूचक सुधारिएको हो । बढ्नेमा होटल समूह सर्वाधिक ४६ दशमलव १४ अंक (२.३९ प्रतिशत)ले बढ्दा ट्रेडिङ ५.८३ (२.९१ प्रतिशत)ले सुधारियो ।
यसदिन वोमि माइक्राफाइनान्सको सेयरको सर्वाधिक कारोबार भए । कम्पनीको १ करोड ५६ लाख पैयाँ बराबरको सेयर खरिदविक्री हुँदा मिर्मिरे माइक्रोफाइनान्सका लगानीकर्ताले सबैभन्दा बढी कमाए । कम्पनीको सेयरको सेयर मूल्य ९.९७ प्रतिशतले बढ्यो ।