काठमाडौँ । अखिल नेपाल फुटबल संघ (एन्फा)को नयाँ कार्यसमितिका लागि शनिबार निर्वाचन सम्पन्न भएको छ । एन्फाको १६ औं साधारणसभाबाट आज नयाँ नेतृत्व चयन हुँदैछ ।
एक अध्यक्ष, चार उपाध्यक्ष र ११ सदस्य चयन गर्न भएको साधारणसभाको युवा तथा खेलकुदमन्त्री जगतबहादुर विश्वकर्माले उद्घाटन गरेका थिए । निर्वाचनमा जिल्ला खेलकुद संघ, क्लब तथा समितिका गरी ७७ जना मतदाता रहेकोमा ७६ जनाले मतदान गरेका छन् ।
कञ्चनपुर फुटबल संघका अध्यक्ष तथा उपाध्यक्षका उमेदवार गणेश चन्दले भने मतदान गरेनन् । अध्यक्ष पदमा दुई, उपाध्यक्षका लागि नौ र सदस्यका निम्ति २९ जना निर्वाचनको मैदानमा होमिएका छन् । महिला सदस्यमा भने पेमा लामा निर्विरोध निर्वाचित भइसकेकी छन् ।
अध्यक्षका लागि कर्माछिरिङ लामा र मणि कुँवरले उमेदवारी मनोनयन गरेका थिए । कुँवरले भने निर्वाचन विधानसम्मत् नभएको भन्दै बहिष्कार गरेका छन् ।