काठमाडौं । देशमा बजेटको ठूलो हिस्सा फ्रि हुने गरेको पृष्ठभूमिमा अर्थ मन्त्रालय र मातहतका कार्यालय स्वयम्ले लक्ष्यअनुरुप खर्च गर्न नसकेको देखिएको छ । चालू आवको पहिलो ८ महिनामा मन्त्रालय तथा मातहतका कार्यालयले लक्ष्यको ५६.७ प्रतिशतमात्र खर्च भएको हो ।
मन्त्रालयले चालू आवको पहिलो ८ महिनामा ८ अर्ब २० करोड खर्च गर्ने लक्ष्य लिएकोमा ४ अर्ब ६५ करोडमात्र खर्च भएको छ । त्यसमध्ये चालू खर्च अन्तर्गत लक्ष्यको ६२ प्रतिशत खर्च भएको छ भने पुँजीगत खर्चबाट लक्ष्यको २८.८ प्रतिशत मात्र उपलब्धि हासिल भएको हो ।
बुधबार अर्थ मन्त्रालयमा आयोजित चालू आवको दोस्रो चौमासिक प्रगति समिक्षा एवम् मन्त्रालयस्तरिय विकास समस्या समाधान समितिको वैठकमा यस्तो जानकारी दिइयो । अर्थ मन्त्रालयका अनुगमन तथा मुल्यांकन महाशाखाका अनुसार चालू आवको चालू खर्चतर्फ ८ महिनामा मन्त्रालयले ६ अर्ब ७५ करोड रुपैयाँ खर्च गर्ने लक्ष्य लिएको थियो भने ४२ करोड रुपैयाँ पुँजगित खर्च गर्ने लक्ष्य राखेको थियो ।
बैठकमा अर्थमन्त्री डा. युवराज खतिवडाले मन्त्रालय मातहतका सबै निकायलाई पुँजीगत खर्च वृद्धिमा केन्द्रीत हुन निर्देशन दिए । कार्यक्रममा मन्त्री खतिवडाले कार्यसम्पादनको आधारमा मातहतका सबै निकायको मूल्यांकन गर्ने, नतिजा उन्मूख भई कार्यसम्पादन गर्ने तथा सोधभर्ना प्राप्तिलाई कार्यसम्पादनसँग आवद्ध गराउन निर्देशन दिए । त्यस्तै अर्थसचिव राजन खतिवडाले ससनयोजन कुशलता काय गर्न निर्देशन दिएभने राजश्व सचिव शिशिरकुमार ढुंगानाले मनत्रालय मातहतका कार्यालयमा विनियोजितबजेट तथा कायक्रम समयमै सम्पन्न गर्न निर्देशन दिए ।
वैठकमा अनुगमन तथा मुल्यांकन महाशाखा प्रमुख अर्जुन प्रसाद पोखरेलले चालू आवको फागुनसम्मको कूल खर्च राजश्व, वैदेशिक सहायता आदि विषयमा प्रस्तुति दिएको बताए । मन्त्रालयका प्रवक्तासमेत रहेका खनाल बाह्रखरीलाई भने, “वैठकमा मन्त्रालय तथा मातहतका विभाग तथा महाशाखा प्रमुखले लक्ष्य अनुरुप प्रगति हुन नसकेको कारण र आगामी कार्ययोजनाबारे जानकारी गराउनुभयो भने बाँदिनमा कसरी अघि बढ्ने भन्ने रणनीति पनि तयार गरियो ।”