काठमाडौं । नयाँ वर्ष लागेदेखि उकालो लागेको सेयर बजारले साताको चौथो दिन पनि निरन्तरता पाएको छ । बुधबार उचारचढावका बीच बजार ३१ दशमलव ८३ अंकले बढेर १३ सय ६३ दशमलव ०१ अंकमा पुगेको हो ।
बुधबारको बजारमा अधिकांश कम्पनीको सेयर मूल्य बढ्दा लगानीकर्ताको कूल सम्पत्तिमा ३८ अर्ब रुपैयाँ थपियो । अघिल्लो दिन १५ खर्ब ६० अर्ब ६६ करोड रहेको बजार पुँजीकरण यसदिन १५ खर्ब ९८ अर्ब २७ करोड रुपैयाँमा पुगेको हो । सेयर मूल्य घटेर हैरान बनेका लगानीकर्ताको मुहारमा बुधबारको कारोबारले पनि खुसी थपेको हो ।
बजार बढ्दा यसदिन १२२ कम्पनीका सेयरधनीले कमाए । कमाउनेमा ङादी ग्रुप, हिमालयन पावर पार्टनर र नयाँ नेपाल लघुवित्त विकास बैंकका लगानीकर्ताले सबैभन्दा बढी कमाए । त्यस्तै अन्य ९ कम्पनीका सेयरधनीले ९ प्रतिशतभन्दा बढी कमाए । बजार अघिल्लो दिन पनि ३३ अंकभन्दा बढीले उकालो लागेको थियो ।
बुधबार बजार बढेपनि परिसूचक भने अस्थिर देखियो । यसदिन कारोबार सुरु भएको केही समय बढेपनि बजार घट्न थालेको थियो । तर बजार सम्हालिँदै कुनै समय ६० अंकको सुधार हासिल गरेको थियो । यद्यपि कारोबार बन्द हुने समयसम्म त्यो टिक्न सकेन ।
बुधबार नेप्से बढ्ने क्रमले निरन्तरता पाउँदा बजारमा १ अर्ब १२ करोड ६७ लाख १६ हजार १७ रुपैयााको कारोबार भयो । यसदिन बजारमा १६५ कम्पनीका २४ लाख ४० हजार १०५ कित्ता सेयर खरिदविक्री भए । अघिल्लो बजारमा कूल ९६ करोड रुपैयाँको सेयर किनबेच भएको थियो ।
यसदिन जलविद्युत् र विकास बै.क समूहमा आएको उच्च वृद्धिले नेप्से परिसूचक सुधारमा टेवा दियो । यी दुई समूहका परिसूचक क्रमशः १०७ दशमलव ७३ अंक (६.९२ प्रतिशत) र ६५.३४ अंक (४.२३ प्रतिशत)ले उकालो लागे । त्यसैगरी बमिा समूहमा ६३.५१ अंकको सुधार आयो । यसदिन बैंकिङ र ट्रेडिङ र वित्त समूह पनि २ प्रतिशतभन्दा बढीले उकालो लाग्दा नेप्सेको उच्च वृद्धि सम्भव भएको हो । बुधबार बाँकी समूहको परिसूचकमा सामान्य सुधार आए ।
बुधबार नेप्से परिसूचक बढ्दा “क” वर्गका कारोबार मापन गर्ने सेन्सिटिभ इन्डेक्स पनि ६.२७ अंकले बढेर २८८.८५ अंकमा पुग्यो ।
जानकारका अनुसार बजार बढ्ने संकेत गर्दा लगानीकर्ता सेयर किन्न अतालिएका हुन् । यसो त बैंक तथा वित्तीय संस्थाको तेस्रो त्रैमासिक अवधिको वित्तीय विवरण प्रकाशित हुँदै गर्दा लगानीकर्ता सेयर बजारमा झम्मिएको देखिने उनीहरु बताउँछन् ।
आज सबैभन्दा बढी युनाइटेड इन्स्योरेन्स कम्पनीको सेयरको कारोबार भएको छ । यसदिन कम्पनीका ५ करोड ९२ लाख रुपैयाँको सेयर खरिदविक्री भए । कम्पनीले केही दिन अघि मात्रै पँजी वृद्धिका लागि १ बरावर २ दशमलव ४ (१ः२.४) अनुपातमा हकप्रद सेयर जारी गर्ने प्रस्ताव गरेको थियो ।
लगानीकर्ता लोभिएपछि कम्पनीको बुधबार प्रतिकित्ता १ हजार १९० रुपैयाँमा किनबेच भयो । बीमा समितिले स्वीकृत तथा कम्पनीको आगामी साधारणसभाले पारित गरेपछि मात्र सो मात्राको सेयरको बिक्री खुला हुनेछ । १ हजार १९० रुपैयाँ पर्ने सेयर १ सय रुपैयाँमा पाइएपछि लगानीकर्ता यूनाइटेडको सेयरमा लोभिएका हुन् ।
आज ३६ वटा कम्पनीका सेयरको मूल्यमा गिरावट आयो । तीमध्ये शीर्षस्थानमा एसिया लाईफ इन्स्योरेन्स कम्पनी रहेको छ । उक्त कम्पनीका लगानीकर्ताको सेयर मूल्यमा ४ दशमलव २६ प्रतिशतको गिरावट आएको छ ।