बीबीसी । सीरियालाई लिएर अमेरिका र रूस बीच ‘तँ–तँ र म–म’ को खेल रोकिने संकेत देखिएको छैन ।  राष्ट्रपति भ्लादिमीर पुटिनले अमेरिकाले सीरियामाथि फेरि कुनै सैन्य कारवाही गरे निश्चित रुपमा विश्वभरी बबाल मच्चिने चेतावनी दिएका छन् । 

डूमा सहरमा भएको रासायनिक आक्रमणपछि गत शनिवार अमेरिका, फ्रान्स र ब्रिटेनले साझा सैन्य कारवाहीमा सीरिया सरकारका तीन स्थानमा बमबारी गरेका थिए । 

रूसले यस अघि पनि आफ्नो आधिकारिक बयानमा कारवाहीको आलोचना गरे पनि राष्ट्रपति पुतिन स्वयम्ले अमेरीकालाई सीरियामाथि आगामी कारवाहीलाई मध्यनजर गर्दै चेतावनी दिएको पहिलो पटक हो । 

बशर–अल–असद सरकार

रूसको राष्ट्रपति कार्यालयबाट जारी बयानमा भनिएको छ, ‘‘भ्लादिमीर पुटिनले जोड दिएर भनेका छन् – संयुक्त राष्ट्र संघको चार्टर उल्लंघन गरेर यस प्रकारको कारवाही भइरहे निश्चित रुपमा अन्तर्राष्ट्रिय सम्बन्धमा अराजकताको स्थिति उत्पन्न हुनेछ ।’’ बयानका अनुसार पुटिन र ईरानका राष्ट्रपति हसन रूहानीबीच फÞोनमा कुराकानी भएको र दुबै नेताहरु गत शनिबार सीरियामा भएको आक्रमणपछि सीरियाको संघर्षको राजनीतिक समाधान सम्भावनामा क्षति पुगेकोमा एक मत देखिएका छन् ।

सीरियाको दमिश्क र होम्समा सैन्य कारवाहीपछि अमेरिका अब अर्को ढंगले सीरियाको बशर–अल–असद सरकारमाथि दबाव सिर्जना गर्ने प्रयासमा लागेको छ । 
आइतबार संयुक्त राष्ट्र संघमा अमेरिकाकी राजदूत निकी हेलीले अमेरिका सीरिया सरकारसँग जोडिएका रूसी कम्पनीहरु विरुद्धÞ आर्थिक प्रतिबन्ध लगाउने कारवाही अघि बढाउन गइरहेको बताएकी थिइन् । 

प्रतिबन्धका लागि रुस तयार 

सीरियामा भएको आक्रमणलाई लिएर संयुक्त राष्ट्र संघमा निन्दा प्रस्ताव प्राप्त गर्न असफल रुस अमेरीकाको आर्थिक प्रतिवन्धको नयाँ कारवाहीको विरोध गरिरहेको छ । 

अमेरीकाको टीभी च्यानल सीबीएसलाई दिएको अन्तरवार्तामा अमेरीकी राजदूत निकी हेलीले अमेरीकाले सीरिया सरकारको कथित रासायनिक हमलामा सघाउने रूसी कम्पनीहरुमाथि सोमवार आर्थिक प्रतिबन्ध लगाउने बताएकी थिइन् । 
उनको बयानको जवाबमा रूसी संसदको माथिल्लो सदनमा रक्षा समितिका उपनिर्देशक एवगेनी सेरेब्रेनिकोवले रूस पनि ती प्रतिबन्धहरुका लागि तयार रहेको बताएका छन् ।

रुसको सरकारी न्यूज एजेन्सी आरआईएका अनुसार सेरेब्रेनिकोवले आफ्नो अधिकारिक बयानमा प्रतिबन्धले रुसका लागि असहज परिस्थिति खडा गरे पनि रुसभन्दा बढी अमेरीका र यूरोपलाई नोक्सान हुने बताएका छन् । 
https://www.bbc.com/hindi/international-43779941