राजारामको सम्धीबन्दै चलचित्रमा डेब्यू गरे मनोज 

राजारामको सम्धीबन्दै चलचित्रमा डेब्यू गरे मनोज 

काठमाडौं । स्तम्भकार एवं कमेडियन मनोज गजुरेल चलचित्रमा डेब्यू गरेका छन् । ‘सयकडा दश’ मार्फत उनी चलचित्रमा डेब्यू गरेका हुन् । अभिनेता राजाराम पौडेलले माला लगाएर गजुरेललाई चलचित्रमा स्वागत गरे । 

गजुरेल मुख्य भूमिकामा रहेको चलचित्र‘सयकडा दश’ छायांकन सोमबारदेखि सुरु भएको छ । बौद्ध नयाँबस्तीस्थित सर्वेश्वर महादेव मन्दिरमा पहिलो दिनको छायांकन गरियो । 

“डेब्युका लागि उपयुक्त चलचित्रको पर्खाइमा थिएँ,” गजुरेलले भने, “म कमेडी विधाकै भएपनि मेरो विचारमा फिल्मको भूमिका सामाजिक उत्तरदायित्व पनि हुनुपर्छ भन्ने हो । सयकडा दश यी दुईको उपयुक्त मिश्रण हो मेरा लागि ।”

अभिनेता पौडेलले गजुरेललाई घरेलु फिल्मले ‘महान’ अभिनेताको रुपमा पाउने बताउँदै उनको क्षमताको प्रशंसा गरे । चलचित्रमा फिल्मभित्र यी दुईजना सम्धीको भूमिकामा प्रस्तुत हुँदैछन् । 

निर्देशक रामशरण पाठकले यसपटक सोसल एवं कमेडी ड्रामा निर्देशन गर्दैछन् । “समाजसँग सीधै जोर्डिएको कथावस्तु रहेको चलचित्रले सदाचारको वकालत गर्नेछ” उनले भने, “हामीले यसभित्र प्रेम र भ्रष्टाचारको प्रभाव र अन्तर्सम्बद्ध देखाउन लागेका छौं ।”


अमृत ढुंगाना, करुणा श्रेष्ठले अनस्क्रिन रोमान्स गर्ने चलचित्रमा रवि डंगोल, रस्मी भट्ट, उत्सव न्यौपाने, अमित पोखरेल, सोनिया राई, कुमार कार्की, प्रसिद्ध थापा, मानस्वी निरौला लगायत छन् । 

रामेश्वर कार्कीको छायांकन, बनिश शाहको सम्पादन, दिलिप ओखेडाको नृत्य निर्देशन, कल्याण सिंहको संगीत छ । गायक स्वप्न सुमनले पाश्र्वगायनमा त्रिशाला गुरुङ र संदेश पाठकसँग टीमअप गर्दैछन् । 

प्रतिकृया दिनुहोस

सम्बन्धित समाचार

पास भए ठिक छ, फेल भए ट्युसन पढ्छु

काठमाडौं । “परीक्षा दिएँ, पास भएँ भने फेरि काम गर्ने हो, भइन भने ट्युसन पढ्ने हो । हेरौँ, के हुन्छ,”

मनोज गजुरेल स्टारर ‘१०० कडा १०’को ट्रेलर रिलिज

काठमाडौं । मनोज गजुरेल स्टारर चलचित्र ‘१०० कडा १०’को ट्रेलर रिलिज गरिएको छ । सार्वजनिक ट्रेलरमा भ्रष्टाचार र त्यसले परिवार

मनोज गजुरेल स्टारर ‘सयकडा दश’को पोस्टर रिलिज

काठमाडौं । भ्रष्टाचारविरुद्ध सदाचारको सन्देशसहित निर्माण गरिएको चलचित्र ‘सयकडा दश’ले पोस्टर सार्वजनिक गरेको छ । मनोज गजुरेल स्टारर सोसल ड्रामा

मनोज गजुरेल स्टारर चलचित्रले लियो रिलिज डेट 

काठमाडौं । भ्रष्टाचारविरुद्धको सन्देश बोकेको चलचित्र ‘सयकडा दश’ ले रिलिज डेट लेक गरेको छ । हाँस्य कलाकार मनोज गजुरेल स्टारर