एजेन्सी । २ खेलको टेष्ट क्रिकेटमा पाहुना टोली इंग्ल्याण्डले न्यूजील्याण्ड विरुद्ध इतिहासकै खराब प्रदर्शन गरेको छ । इंग्ल्याण्ड ५८ रनमा अलआउट भएको हो ।
न्यूजील्याण्डको इडन पार्कमा जारी टेष्ट क्रिकेटको पहिलो खेलमा इंग्ल्याण्डले २०.४ ओभरमा सबै विकेटको क्षतिमा ५८ रन मात्रै बनाउन सकेको थियो । इंग्ल्याण्डका क्र्याइग ओभरटनले ३३ रन बनाएपनि अन्य खेलाडीले राम्रो रन बनाउन सकेनन् ।
इंग्ल्याण्डका ५ जना अग्रपंतिका ब्याट्सम्यान शुन्य रनमा नै आउट भएका थिए । इंग्ल्याण्डलाई सस्तैमा अलआउट गराउन टे«न्ट बोल्ट र टीम साउथीले उत्कृष्ट प्रदर्शन गरे । बोल्टले ६ र साउथीले ४ विकेट लिए ।
इंग्ल्याण्डको टेष्ट क्रिकेटमा सबैभन्दा कम स्कोर अष्ट्रेलिया विरुद्ध छ । सन् १९८७ मा भएको खेलमा अष्ट्रेलियाले इंग्ल्याण्डलाई ४५ रनमा नै अलआउट गराएको थियो । इंग्ल्याण्डले न्यूजिल्याण्ड विरुद्ध बनाएको यो छैटांै कम स्कोर हो भने न्यूजील्याण्ड विरुद्ध पहिलो पटक कम स्कोरमा समेटिएको हो ।
सन् १९९४ मा वेष्ट इन्डिज विरुद्ध इंग्ल्याण्डले ४६ रन बनाएको थियो । त्यस्तै, सन् २००९ मा पनि वेष्ट इंन्डिज विरुद्ध नै इंग्ल्याण्ड ५१ रनमा अलआउट भएको थियो । सन् १९४८ मा अष्ट्रेलिया विरुद्ध नै इंग्ल्याण्ड ५२ रनमा अलआउट भएको थियो भने अष्ट्रेलिया विरुद्ध नै सन् १८८८ मा इंग्ल्याण्ड ५३ रनमा अलआउट भएको थियो । यसअघि सन् १९७८ मा न्यूजील्याण्ड विरुद्ध इंग्ल्याण्ड ६४ रनमा अलआउट भएको थियो ।