एजेन्सी । लिबियाका क्रान्तिकारी राजनीतिज्ञ मुअम्मर गद्दाफीबाट अवैधानिक रुपमा आर्थिक सहयोग लिएको आरोपमा प्रहरीले फ्रान्सका पूर्वराष्ट्रपति निकोलस सार्कोजीलाई गिरफ्तार गरेको छ ।
२००७ मा राष्ट्रपति चुनाव अभियानका समयमा भएको यस घटनाबारे थप अनुसन्धान भइरहेको बताइएको छ ।
यसअघि पनि पुलिसले यही मुद्दामा उनीसँग सोधपुछ गरिसकेको थियो तर उनले भने सबै आरोपलाई गलत ठहर गर्दै आएका छन् । २००७ –१२ सम्म राष्ट्रपति पदमा रहेका सार्कोजी त्यसपछि भने सत्तामा रहन असफल भएका थिए ।
अहिले पेरिसको पश्चिमी शहरमा उनीमाथि अनुसन्धान भइरहेको बताइएको छ ।
२०१३ मा पनि फ्रान्सेली पुलिसले गद्दाफीकै मुद्दामा उनीविरुद्ध अनुसन्धान थालेको थियो । उनले भने सो आरोप राजनीतिक फाइदाका लागि सुरु गरिएको दोष लगाउँदै आएका छन् । गिरफ्तार भएका सार्कोजीलाई ४८ घण्टासम्म पुलिसथानामै राखिने बताइएको छ ।
स्थानीय संचार माध्यमले बताएअनुसार लिबिया सम्बन्धि मुद्दामा उनीमाथि अनुसन्धान भएको यो पहिलो पटक हो । यसरी फ्रान्समा पूर्वराष्ट्रपति गिरफ्तार भएको पनि पहिलो घटना रहेको बताइएको छ । वास्तवमा २०१६ मा फ्रेन्च तथा लिबियाका व्यवसायी जियाद तोकिएदिनेले यसबारे सबैभन्दा पहिलो जानकारी दिएका थिए ।
सो खबरका अनुसार चुनाव प्रसारका क्रममा सार्कोजीले २०० र ५०० यूरोका नोटले भरिएका तीन सुटकेस प्राप्त गरेका थिए । उनले गद्दाफीबाट कूल ६ मिलियन डलरको आर्थिक सहयोग लिएको तोकिएदिनेको दाबी छ ।
सार्कोजीले भने सो रकम पेन्टिङ बिक्री गरेर प्राप्त गरेको बताएका थिए ।