काठमाडौं । विश्व फुटबल महासंघ (फिफा) को नयाँ वरियतामा नेपाल यथावत रहेको छ । फिफाले बिहीबार जारी गरेको नयाँ वरियतामा नेपाल अघिल्लो महिनाकै स्थानमा यथावत रहेको हो ।

नयाँ वरियतामा परिवर्तन नभएसँगै नेपाल १६५ औं स्थानमा रहेको छ । नेपालले कुल ११६ अंक पाएको छ । नेपालले अघिल्लो महिना भने ६ स्थान माथि उक्लदै १६५ औं स्थानमा पुगेको थियो ।

नयाँ वरियतामा नेपाल दक्षिण एसियाको तेस्रो स्थानमा छन् । नेपाल भन्दा माथि भारत र माल्दिभ्स रहेको छ । नयाँ वरियतामा ३ स्थान उक्लेको भारत ९९ औं र यथावत रहेको माल्दिभ्स १५० औं स्थानमा रहेका छन् ।

दक्षिण एसियामा नेपाल भन्दा तल चार राष्ट्र रहेका छन् । नेपालपछि भुटान १८८ औं  स्थानमा रहदा बंगलादेश १९७ औं स्थानमा छ  । त्यस्तै श्रीलंका २०० औं स्थानमा र दक्षिण एसियाको पुछारमा पाकिस्तान  २०३ औं स्थानमा रहेको छ ।

नयाँ वरियताको शीर्ष पाँचौ स्थानसम्म फेरवदल भएको छैन । शीर्ष स्थानमा जर्मनी यथावत रहेको छ । त्यस्तै ब्राजिल , पोर्चुगल, अर्जे्न्टिना र बेल्जियम दोस्रोबाट क्रमश पाचौं स्थानसम्म रहेको छ । नयाँ वरियतामा  पोल्याण्ड र स्पेन समान अंकसहित छैटौं र सातौं , स्वीट्जरल्याण्ड आठौं , फ्रान्स नवौं र चिली दशौंमा रहेका छन् । 

फाइल तस्बिर