काठमाडौं । तामाङ सञ्चार समूह काठमाडौं जिल्ला शाखामा नयाँ कार्यसमिति चयन भएको छ । युनिक रक्षे ग्लान तामाङको अध्यक्षतामा १२ सदस्यीय कार्यसमिति चयन भएको हो ।
काठमाडौंमा बुधबार सम्पन्न तामाङ सञ्चार समूह काठमाडौं जिल्ला शाखाको दोस्रो अधिवेशनले नयाँ कार्यसमिति चयन गरेको हो । युनिकले दोस्रो कार्यकालको लागि अध्यक्षमा निरन्तरता पाएका हुन् । यसअघिको कार्यकाल पनि उनैले चलाएका थिए ।

त्यस्तै, उपाध्यक्षमा राजकुमारी जेसुम, सचिवमा मिक्साङ वाइबा र कोषाध्यक्षमा अर्जुन तामाङ निर्वाचित भएका छन् । त्यस्तै, सदस्यहरूमा सरोज तामाङ, दिल तामाङ, सन्तोष योञ्जन, राम तामाङ, मानकाजी तामाङ, हिरोज लोप्चन, सोम्फे पाख्रिन र सानु तामाङ रहेका छन् । एक जना सदस्य भने मनोनितबाट हुनेछन् ।

त्यस्तै, अधिवेशनले केन्द्रीय प्रतिनिधीका लागि निर्वाचित अध्यक्ष युनिक, निर्वतमान उपाध्यक्ष रोजिना दोङ र साम्मो योन्जन चुनिएका छन् । तामाङ सञ्चार समूह केन्द्रीय अधिवेशन चैत्र १० गते हुँदैछ ।