एजेन्सी ।  इटालियन सिरी ए क्लब रोमा युईएफए च्याम्पियन्स लिग फुटबलको क्वाटरफाइनलमा प्रवेश गरेको छ । मंगलबार राति भएको अन्तिम १६ को दोस्रो लेगमा युक्रेनी क्लब शाख्तर डोनेस्कलाई १ – ० ले हराउदै समग्रमा अवे गोलको आधारमा जित निकाल्दै रोमा च्याम्पियन्स लिगको अन्तिम आठमा पुगेको हो ।

शाख्तरको घरेलु मैदानमा भएको पहिलो लेगमा रोमा २ – १ ले पराजित भएको थियो । तर, घरेलु मैदानमा भएको दोस्रो लेगमा रोमाले १ – ० को जित निकालेपछि समग्रमा खेल २ – २ को बराबरी हुँदा अवे गोलमा रोमाले क्वाटरफाइनल यात्रा तय गर्यो ।  पहिलो लेगमा सुरुवाती अग्रता जोगाउन नसक्दा रोमा पराजित भएको थियो ।

घरेलु मैदानमा भएको दोस्रो लेगमा रोमालाई जित दिलाउन एडिन डेज्कोले निर्णायक गोल गरे । १० खेलाडीमा सिमित शाख्तरविरुद्ध डेज्कोले ५२ औं मिनेटमा निर्णायक गोल गरेका थिए ।  खेलको ७९ औं मिनेटमा इभान ओर्डिकले रातो कार्ड पाएपछि शाख्तर १० खेलाडीमा समेटिएको थियो ।

यो सँगै रोमाले करिब ११ बर्षपछि पहिलोपटक च्याम्पियन्स लिगको अन्तिम आठमा स्थान बनाएको हो । यसअघि रोमाले सन् २००८ को सिजन च्याम्पियन्स लिगको क्वाटरफाइनलको यात्रा तय गरेका थिए ।