ad

खेल

विशाल मिलन र हिमालयन हण्डसलाई सफलता 

विशाल मिलन र हिमालयन हण्डसलाई सफलता 

काठमाडौं । विशाल मिलन केन्द्र र हिमालयन हण्डसले क्विक्स बास्केटबल लिगमा जित हासिल गरेका छन्  । मंगलबार भएको खेलमा विशालले किर्तिपुर बास्केटबल टिम र हिमालयनले जेभियर्स इन्टरनेसनल कलेजलाई हराएको हो  ।

विशालनगरमा भएको खेलमा घरेलु टोलीले किर्तिपुरमाथी ६८ – ५७ अंकले हराएको हो  । जितसँगै विशाल मिलनले लिगमा छैटौं जित निकालेको छ ।  विशालको जितमा विवेक श्रेष्ठले २० अंक जोडे । जितपछि विशालले ८ खेलबाट १८ अंक जोडेको छ । जितपछि विशाल लिगको तेस्रो स्थानमा छ । पराजित किर्तिपुरले ६ खेलबाट १२ अंक जोडेको छ ।

होम एण्ड अवे लिगको आधारमा जारी प्रतियोगिता अन्तर्गत नै  मंगलबार हिमालयन हण्डसले जेभियर्सलाई ८८ – ५ ७ अंकले हरायो  । हिमालयनको जितमा मनिस केसीले २० अंक जोडे । यो जितपछि हिमालयनले ११ खेलबाट १८ अंक जोडेको छ ।  लिगमा मात्र ६ अंक जोडेको जेभियर्सको यो नवौं हार हो । ।

नेपालमा पहिलोपटक आयोजना भएको बास्केटबल लिगको शीर्ष स्थानमा त्रिभुवन क्लब रहेको छ । अपराजित रहेको आर्मीले ८ खेलबाट २४ अंक जोडेको छ ।  प्रतियोगिताको बिजेताले २ लाख प्राप्त गर्दा उपविजेताले १ लाख र तेस्रोले ५० हजार पाउने छन् । यस्तै प्रतियोगिताको उत्कृष्ट खेलाडी, सर्वा्धिक स्कोरकर्ता, डिफेन्स, इमर्जीङ प्लेयर र प्रशिक्षकले स्पोर्ट्स क्लोथिङ कम्पनीबाट १० हजार बराबरको गिफ्ट प्राप्त गर्ने छन् ।

तपाईंको मत