काठमाडौं । अनौपचारिक क्षेत्रमा काम गर्ने मजदुरको सम्बन्धमा नीति बनाउन एशिया प्रशान्त क्षेत्रका नेपालसहित पाँच देशका मजदुर संगठनहरुको भेला काठमाडौमा सुरु भएको छ ।

काठमाडौंमा  सुरु समीक्षा बैठकमा नेपालसहित बंगलादेश, लावस र थाइल्यान्डका मजदुर संगठनका प्रतिनिधि  भेला भएका हुन् । अनौपचारिक क्षेत्रमा काम गर्ने मजदुरको जिविकोपार्जनमा नै समस्या भएको भन्दै एशिया प्रशान्त क्षेत्रका मजदुर संगठनहरुले औपचारिक मजदुर बनाउन विभिन्न शिपमूलक तालिम र बैकल्पिक ब्यबसाय गर्न सहयोग गर्दै आएका छन् । 

यो भेलामा सहभागि मजदुर संगठनहरुले आफ्नो देशमा भईरहेको कामको अनुभव सुनाउनेछन् । मजदुरको क्षेत्रमा काम गर्न इच्छुक श्रीलंका र भियतनामले सिकाई र अनुभवसहित कार्ययोजना बनाउने कार्यक्रम पनि रहेको छ । कृषि, विकास निर्माण र घरायसी काममा रहेका मजदुरलाई आनौपचारिक मजदुरको रुपमा परिभाषित गरिँदै आएको छ ।

यस्ता क्षेत्रमा काम गर्ने मजदुरको कामको समयको सीमा नहुने ज्याला न्युन हुने, सामाजिक सुरक्षा नहुने कारणले जिविकोपार्जनमा नै समस्या छ । नेपाल, लाओस, बंगलादेश र थाईल्याण्डका मजदुर संगठनले अनौपचारिक क्षेत्रमा काम गर्ने मजदुरलाई औपचारिक बनाउन विभिन्न शीपमूलक तालिम व्यवसाय गर्न बीउ पुँजी उपलब्ध गराई सहयोग गर्ने गरेका छन् । नेपालमा पर्सा मोरङ ललितपुर र भक्तपुरमा यो कार्यक्रम संचालन भईरहेको छ । 

दुई दिन हुने छलफलले २०१८ मा गरिने कार्यक्रमको निर्माण गर्ने आयोजक मध्यको एक ट्रेड युनियन कांग्रेसले बताएको छ ।