काठमाडौं । प्रधानमन्त्री केपी शर्मा ओलीलाई बालुवाटारमा जन्मदिन मनाउने अवसर जुरेको छ । 

शुक्रबार सरकारी निवास बालुवाटारमा मन्त्रिपरिषद् बैठकलगत्तै ओलीले स्थानीय समिति सदस्यहरु, शुभचिन्तक, कार्यकर्ता तथा सञ्चारकर्मीका माझ केक काटेर जन्मदिन मनाएका थिए ।

शुक्रबार बिहान चीन र भारतीय राजदुत दुवै जनाले बालुवाटर पुगेर प्रधानमन्त्री ओलीलाई जन्मदिनको शुभकामना दिएका थिए । विसं. २००८ साल फागुन ११ गते तेह्रथुम जिल्लाको इवा गाउँमा ओली जन्मिएका थिए ।

२०२२ सालमा कम्युनिष्ट राजनीतिमा लागेका ओली २०७१ असारमा पार्टीको अध्यक्षमा निर्वाचित भएका थिए । २०४८, २०५१ र २०५६ का आम निर्वाचनमा उनी झापाबाट प्रतिनिधिसभामा निर्वाचित भएका थिए ।

नेकपा एमाले स्थायी कमिटीको बैठकले पनि ओलीलाई जन्मदिनको शुभकामना व्यक्त गरेको थियो ।

तस्विर सौजन्य : प्रधानमन्त्रीको निजी सचिवालय