काठमाडौं । अमेरिकी राष्ट्रपति डोनाल्ड ट्रम्प रुसमाथि थप प्रतिवन्ध लगाउने बारेमा विचार बिमर्श गरिरहेका छन् । ह्वाईट हाउसका एक वरिष्ठ प्रशासनिक अधिकारीले रुसमाथि थप प्रतिवन्धको तयारी भइरहेको बताएका छन् ।

उनले रूसप्रति राष्ट्रपति ट्रम्पको दृष्टिकोण नरम नभएको स्पष्ट पार्दैै ती अधिकारीले ह्वाइट हाउसले रूसविरुद्ध अतिरिक्त प्रतिवन्धमा विचार गरिरहेको बताए । 

वासिंगटनले विश्वका विभिन्न सरकारहरुलाई रुसी सेनासँग ‘विशेष लेनदेन’ गरिए प्रतिवन्ध लगाउने चेतावनी दिइसकेको ती अधिकारीको भनाई छ । चेतावनी खाने मुलुकमध्ये नाटो सहयोगी तुर्की पनि समावेश छ । 

तुर्कीले रूसबाट एस–४०० एयर डिफेन्स मिसाइल प्रणाली खरीद गर्ने घोषणा गरेको छ । एक अन्य अधिकारीले पनि वाशिंगटनको चेतावनीपछि कयौं ठूला मुलुकहरुले रूसका साथको सम्बन्धमा पूनर्विचार गरिरहेको दाबी गरेका छन् ।