काठमाडौं । नेपाली कथानक चलचित्र ‘नेप्टे’को गीत सार्वजनिक भएको छ । ‘दिल रानी..’ बोलको क्लब गीतमा उदित नारायण झा र सेलिना कुँवरको स्वर छ भने संगीत सन्तोष राजले गरेका छन् । शब्द यमनाथ मैनालीका हुन् । 

गीतको भिडियोमा नायक रोहित रुम्बा र नायिका छुल्ठिम गुरुङ्गको नृत्य छ । कबिराज गहतराज कोरियोग्राफी गरेका छन् । 

दयाहाङ राई, छुल्ठिम गुरुङ, रोहित रुम्बा, वुद्दि तामाङ, पूर्णीमा लामा, प्रनिशा सिलवाल, ए गुरुङ लगायतका कलाकारहरुको अभिनय रहेको चलचित्रलाई देवकुमार श्रेष्ठले निर्देशन गरेका हुन् । 

किरण माइकलको पटकथा एंव संवाद रहेको चलचित्र चैत ३० गते रिलिज हुँदैछ ।