site stats
बाह्रखरी :: Baahrakhari
विचार
Nabil BankNabil Bank
Sarbottam CementSarbottam Cement
Ghorahi CementGhorahi Cement
अमेरिकाबाट प्रधानमन्त्री ओलीलाई पत्र

सर्वप्रथम कम्युनिस्ट गठबन्धन जोडेर प्रधानमन्त्री हुनुभएका नेकपा (एमाले)का अध्यक्ष केपी शर्मा ओलीलाई अमेरिकाको पश्चिमी किनाराबाट हार्दिक बधाई ! जहाँ रहे पनि नेपालका प्रधानमन्त्री सबै नेपालीका अभिभावक नै हुन् । प्रत्येक नेपालीले मेरो देश यस्तो बनोस् भन्ने चाहना राखेका हुन्छन् र त्यो चाहना परिपूर्ति गर्ने व्यक्तिका रूपमा प्रधानमन्त्रीकै अनुहार सम्झन्छन् । त्यसैले हामी त्यस्तो प्रधानमन्त्री चाहन्छौं जस्ले नेपाली चाहना बुझेको होस्, र नेपाली भावनाको इज्जत गर्न सकोस् । प्रधानमन्त्री ओलीलाई अमेरिकाको एक सहरमा बसेर नेपाली हुनुको स्वाभिमान र हीनताबोध दुवै सँगै बोक्दै आएको एकजना नेपालीको यो आह्वान हो ।

भारतका प्रधानमन्त्री नरेन्द्र मोदी अमेरिका आउँछन् । सबै भारतीयको सान बढाएर जान्छन् । कुनै पनि भारतीयमाथि सांघातिक हमला हुन्छ वा कुनै भारतीयले कतै पनि दुःख पायो भने आफ्नो देशले सहयोग गर्छ भनेर ढुक्क हुन्छ । यस्तो मामलामा अमेरिका वा युरोपेली मुलुकको कुरै गर्नु परेन । तर, नेपाली हुनुको पीडा भने समस्या परेको नेपालीले बढी महसुस गर्छ । कुनैपनि देशमा जाँदा नेपालको पासपोर्टलाई शंका र हेलाँ दृष्टिले हेरिँदा नेपालीपनलाई कसरी संसारभर इज्जतका दृष्टिले हेर्न सकिने बनाउन सकिन्छ भनेर मनमा आउँछ, अनि आउँछ प्रधानमन्त्रीको अनुहार । अनि लाग्छ अहिले गएर प्रधानमन्त्रीलाई यसरी काम गर्नपर्यो भनेर सल्लाह दिन पाइयोस्, अनि त्यो सल्लाह लागु होस्, अनि नेपालीहरू सर्वत्र इज्जत र सम्मानका साथ ओहोर दोहोर गर्न पाइयोस् ।

यो पत्र पढ्दा अमेरिकामा बस्ने नेपालीले के दुःख पाएको होला र ? भन्ने पनि लाग्नसक्छ । हो, अमेरिकामा बस्ने नेपालीको पीडा जति धेरै भए पनि खाडी मुलुक र मलेसियामा काम गर्ने हाम्रा नेपाली भाइबहिनी जत्ति पक्कै पनि छैन । त्यसैले यो पत्रबाट अमेरिकामा बस्ने नेपालीको लागि नेपालले यस्तो सहयोग गर्नुपर्छ भन्ने आग्रह गर्न खोजेको पनि होइन । 

Agni Group

नेपालीको इज्जत बढाउनु छ भने कतार, दुबई, मलेसियामा बस्ने नेपालीले स्वाभिमानका साथ बाँच्न र काम गर्न पाउनु प¥यो । खाडी मुलुकबाहेक पनि कतिपय एसियाली र युरोपेली मुलुकमा नेपालीहरू लुकेर गएर आफ्नो भविष्यका लागि र आफ्नो परिवारका लागि संघर्ष गरिरहेका छन् । कतिपय गैरकानुनीरूपमा श्रम गरिरहेका पनि होलान् । तर, कानुनी रुपमा होस् वा गैरकानुनी तिनीहरू अपराध कर्ममा लागेका छैनन् र नेपालको विकट पाखा र उजाड तराईमा दुःखजिलो गरिरहेका आफ्ना परिवारको पेट भर्न श्रम गरिरहेका छन् भने तिनलाई समस्या पर्दा नेपालले हेर्नैपर्छ । तिनले बहाएको पसिनाको कारणले मात्रै न हो नेपालले आफूलाई अहिले अतिकम विकसित राष्ट्रको अवस्थाबाट विकासशील राष्ट्रको रूपमा उभ्याउने चेष्टा गर्न सकेको । तर, के नेपालले यसको लागि धेरै पैसा र स्रोत खर्च गर्नु पर्ला र ? पर्दैन । 

नेपालको मुख्यमुख्य श्रम गन्तव्य मुलुक सबैमा नेपाली राजदूतावास छँदैछ । त्यस्ता दूतावासमा जाने नेपाली त्यस्तो व्यक्ति होस् जसलाई नेपालीको पीडाले छोओस्, नेपालको बदनाम नहोस् भन्ने भावनाले प्रेरित होस् । कम्युनिस्ट गठबन्धनको सरकार छँदा पैसा बुझाउने र ठूलो म्यानपावर चलाउने संस्थाको प्रतिनिधिमात्र यस्तो राष्ट्रको राजदूत नहोस् । नेपालको राजदूत हुने व्यक्तिको नाम लिँदा पनि सबैमा एक सम्मानको भाव जागोस् । नेपालीको रगत चुसेर पैसा कमाउने नियत भएका व्यक्तिलाई कमसेकम अबको सरकारले राजदूत नबनाओस् ।

Global Ime bank

अर्को सहज उपाय भनेको संसारका कुनै पनि गन्तव्यमा रहेका व्यक्तिले सिधै काठमाडौंमा आफ्नो पीडा सुनाउन पाउने एउटा फोन नंबर र वेब साइट राखियोस् । त्यस्तो फोन जहाँसुकैबाट गर्दा पनि गर्नेलाई पैसा नलागोस् । जहाँजुकै काम गरेको भए पनि र जस्तोसुकै श्रम गरेको भए पनि सबै नेपालीले एउटा फोन राख्न पाउनुपर्नेमा सरकारले विशेष ध्यान देओस् । कतिपय घरेलु काममा बसेका नेपाली महिलालाई फोनसमेत राख्न बन्देज लगाइन्छ र तिनमाथि हिंसा गरिन्छ । कतिपय विकट मरूभूमिमा काम गर्ने नेपाली पुरुषलाई पनि यस्तो समस्याले सताएको धेरै समाचार सुन्न र पढ्न पाइएको छ । त्यसैले फोनको उपलब्धता सुनिश्चित गर्ने र फोन गरेमा पैसा नलाग्ने नंबर बनाउने काममा यहाँको ध्यान पुगोस् । त्यस्तो फोन उठाउने र सम्बद्ध निकायलाई तरुन्तै कारवाहीका लागि झकझकाउन सक्ने एउटा प्रभावकारी टोली काठमाडौंमा राखियोस् । यस्तो टिमले राजदूतावासलाई पनि समयमै सूचना दिएर सहयोग गर्न सकोस् । 

अघिल्लोपल्ट तपाईँ प्रधानमन्त्री बन्नुहुँदा देशभरका तुइन हटाउने वाचा गर्नु भएको थियो । भनिंदै छ धेरै तुइन हटिसकेका छन् र अब थोरैमात्र हट्न बाँकी छन् । अमेरिकामा बस्ने धेरै नेपालीले बुलेट ट्रेनको कुरा गर्ने बेलामा तुइनको के कुरा गरेको होला भनेर हाँसोमा उँडाएका थिए । तर, विकट गाउँमा बस्नेलाई एउटा झोलुङे पुल नै बुलेट ट्रेन बराबर हुन्छ भन्ने धेरैलाई थाहा भए पनि बिर्सन खोज्छन् ।

तपाईंले तुइन सम्झनुले नेपालीको पीडा सम्झेको अर्थमा बुझेको हुनाले यो पत्र लेख्न बसेको हुँ । अन्यथा नेपाल प्रहरीले घुस खाएको लाइभ दृश्य नेपालको राष्ट्रिय टेलिभिजनमा देखाइँदा पनि चुप लागेर बस्ने प्रधानमन्त्री पनि देखेकै हो । निजामती कर्मचारीले घुस लिएको दृश्य त झन् कैयौं पटक देखाइयो, प्रहरीले नागरिकको अपहरण गरेर पैसा असुल गरेको पनि देखियो । तर, प्रधानमन्त्री चुपचाप बसे । न त कारवाही गरे न नैतिक जिम्मेवारीनै वहन गरे । तपाईँं पनि त्यस्तै प्रधानमन्त्री हुने हो भने त यति लेख्नु पनि समय फाल्नु बराबरै हो । तर, तपाईंप्रति आशा र भरोसा भएकोले जाँगर निकालेको हुँ । 
अमेरिकामा बस्ने नेपालीले पनि दुःखजिलो गरेकै छन् । तर, अहिल्यै नेपालले यहाँका नागरिकलाई केही गरिहाल्नुपर्ने हतार भने छैन । हामी आफँै मिलेर अनेकौंँ काम गरिहेका छौँ । यहाँको कार्यकालमा हुने उपलब्धिलाई सबै नेपालीले संसारभरबाट  हेरिरहेका छन् । ।

तपाईको दोस्रो कार्यकाल नेपालकै इतिहासको सफल र उच्चतम विकास भएको कार्यकालका रूपमा इतिहासमा दर्ता होस् । शुभकामना !  

(क्यालिफोर्निया, अमेरिका)  

NIBLNIBL
प्रकाशित मिति: बिहीबार, फागुन १०, २०७४  १५:५३
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC