काठमाडौं कवि हेमन यात्रीले आफूलाई मोडलिङ क्षेत्रमा डेब्यू गराएका छन् । गीतकार दीपा राई पुनको शब्द रहेको प्रतिरुप म्युजिक एल्बममा समावेश ‘बिहानै बिहानै’ बोलको गीतमा कवि यात्री पहिलो पटक म्युजिक भिडियोमा फिचरिङ भएका हुन् ।
खगेन्द्र पन्धाकको निर्देशन रहेको उक्त म्युजिक भिडियोमा कलाकार सबिना गोपालीको पनि अभिनय रहेको छ ।
प्रतिरुप म्युजिक एल्बममा पारस मुकारुङ, बलन्द राई, राजेश थापा र डि आर अटुले संगीत भरेका छन् भने राजेश पायल राई, स्वरुपराज आचार्य, भिषण मुकारुङ्ग, रजिना रिमाल, विजय अधिकारी, मेलिना राई, सुनिता थेगिम र विनोद राइले स्वर दिएका छन् ।
दुई दशकबाट साहित्य सिर्जना गर्दै आएका यात्रीले, “लेख्नभन्दा मोडलिङ गर्न अफ्ट्यारो रहेको,” प्रतिक्रिया व्यक्त गरेका छन् ।