एजेन्सी । बलिउड अभिनेता अक्षय कुमारले यस वर्ष फिल्म ‘प्याडम्यान’ बाट बक्स अफिसमा खाता खोलेका छन् । फिल्मले तिव्र गतिमा बक्स अफिस शुरआत नगरे पनि दर्शकहरुको मन भने जितेको छ ।
आर. बाल्कीको निर्देशनमा बनेको ‘प्याडम्यान’ फिल्मले अहिलेसम्म ७१.९० करोड रूपैयाँ बराबरको कारोबार गरिसकेको छ । फिल्म ६० करोडमा निर्माण भएको बताइएको छ ।
अहिले अक्षय कुमारलाई नयाँ फिल्मका लागि कुनै कमी छैन् । यो वर्ष उनी आफ्नो फिल्म ‘गोल्ड’ का साथ बक्स अफिसमा आउने तयारीम छन् । त्यस्तै आगामी वर्ष उनी निर्माता करण जौहरको ब्यानरमा बन्ने फिल्म ‘केसरी’ को छायांकनमा व्यस्त हुने भएका छन् ।
अक्षय कुमारलाई नयाँ फिल्मका लागि कुनै कमी नभएको क्रिअर्ज इन्टरटेनमेन्टका निर्माता प्रेरणा अरोडाले गरेकी छिन् । प्रेरणाका अनुसार उनको कम्पनीले अक्षय कुमारका साथ पाँच फिल्मका लागि सम्झौता पत्रमा हस्ताक्षर गरेको छ । प्रेरणाले चाँडै अक्षय कुमारका साथ नयाँ फिल्म निर्माण गर्ने घोषणा हुन गइरहेको पनि बताएकी छिन् ।