काठमाडौं । पुष्पसदनले सातौं इनोभेटिभ अन्तरविद्यालय बास्केटबल प्रतियोगिताको जुनियर ब्वाइजमा मंगलबार जित हात पारेको छ ।
शंखमूलस्थित आयोजक इनोभेटिभको कोर्टमा भएको प्रतिस्पर्धामा पुष्पसदनले एआईएलाई २०–१० ले पराजित ग¥यो । पुष्पसदनको जितमा रोजिन महर्जनले १७ अंक योगदान गरे ।
सिनियर ब्वाइजमा एआईए, ग्रिनल्यान्ड र डेनेबले सफलता पाए । एआईएले काठमाडौं जेभियरलाई ३७–११ ले हरायो । एआईएका किरणले २० अंक जोडे ।
राजिव आलेको १५ अंक सहयोगमा ग्रिनल्यान्डले ग्यालेक्सीलाई ३९–३२ ले पाखा लगायो । हिमालय विरुद्धको खेलमा डेनेब ४९–३१ ले विजयी भयो । डेनेबका लागि विप्लव श्रेष्ठले १४ स्कोर गरे ।
सिनियर गल्र्समा ग्रिनल्यान्डले ग्यालेक्सीलाई २८–१० तथा स्वप्न वाटिकाले श्रीदिवालाई १५–१० ले निराश पारे । ग्रिनल्यान्डकी आशिका खड्काले २१ तथा स्वप्न वाटिकाकी विमला ऐडीले ९ अंक जोडे ।