काठमाडौं । बलिउड अभिनेता अभिषेक बच्चनको नयाँ फिल्म ‘मनमर्जियां’ को छायांकन आगामी महिनाबाट सुरु हुने भएको छ । फिल्मको तयारी धेरै समय अघि सुरु गरिएपनि अनेकौं कारणले यसको छायांकनमा ढिलाई भइरहेको भारतीय सञ्चारमाध्यमले जनाएका छन् ।
आनन्द एल रायले ‘मनमर्जियां’ को निर्देशन अनुराग कश्यपबाट गराउन चाहेका थिए । तर अनुराग फिल्म ‘मुक्काबाज’ को छायांकनमा व्यस्त थिए । ‘मुक्काबाज’ फिल्म रिलीज भएसँगै अनुराग कश्यपले ‘मनमर्जियां’ को कमान सम्हालेका छन् ।
आनन्द एल रायको होम प्रोडक्शनमा निर्माण हुने फिल्म ‘मनमर्जियां’ को निर्देशन यसअघि अश्विनी अय्यर तिवारीले गर्ने भनिएको थियो । यो फिल्म लभ स्टोरी फिल्म हुने बताइएको छ । फिल्ममा विकी कौशल र तापसी पन्नूका साथ अभिषेक बच्चन ‘लीड रोल प्ले’ गर्ने छन् । फिल्म ‘मनमर्जियां’ को छायांकन पंजाब, मुंबई र उत्तर भारतका केही क्षेत्रमा गरिने सम्भावना रहेको छ ।
