काठमाडौं । सन् २०१३ मा भारतमा लन्च गरिएपछि निसान टेरानोलाई पहिलो पटक अपडेट गरिएको छ । लन्च भएदेखि नै कुनै खास परिवर्तन नगरिएको टेरानोमा अहिले थुप्रै आधुनिक बदलाव ल्याइएको छ । कम्पनीले कम्तिमा पनि २२ नयाँ विशेषताहरुसहित न्यु टेरानो सार्वजनिक गरिएको जनाएको छ ।
मुख्यगरी अहिलेको नयाँ अपडेट अन्तर्गत गाडीको इन्टेरियरमा विशेष ध्यान दिइएको छ । गाडीभित्रका सिट लगायत सबै ग्याजेटहरु परिवर्तन गरी झनै आकर्षक बनाइएको छ । त्यसैगरी ड्यासबोर्डको डिजाइनमा पनि विभिन्न रङ प्रयोग गरिँदा यसले भित्री भागलाई अझ आकर्षक बनाइदिएको छ । त्यस्तै यस नयाँ टेरानोमा जिपिएसबाट चल्ने टचस्क्रीन इन्फोटेनमेन्ट डिस्प्ले पनि जडान गरिएको छ जसमा गीत सुन्न र भिडियोहरु सजिलै हेर्न, फोन उठाउन मिल्नुका साथै ब्लुटथ र आइपड पनि सपोर्ट गर्न सक्छ ।
अर्को महत्वपूर्ण परिवर्तन भनेको नयाँ टेरानोको ड्राइभर सिटको छेउमा हातलाई आराम गर्न मिल्ने स्थान बनाइएको छ । यसका अन्य भित्री पार्टहरुमा अरु कुनै परिवर्तन भने गरिएको छैन । पहिले जस्तै यसमा १.६ पेट्रोल इन्जिन र १.५ डिजेल इन्जिन ट्युन गरि दुई स्टेजमा यसको टेस्ट गरिएको छ । टेरानोको व्यवसायमा प्रमुख भूमिका खेल्ने गरेको सस्पेन्सनलाई यसको अर्को विशेषता मानिन्छ र अझै ठूला गाडीहरुमध्येमा यसको सस्पेन्सनलाई सबैभन्दा राम्रो मानिन्छ । यसलाई नियन्त्रण गर्न र चलाउन पनि धेरै सहज भएकाले यात्रा आरामदायी हुने गरेको छ । यसको भित्री इन्जिनहरु पुरानै भर्जन अनुसार छ तर पनि यसको अटोम्याटिक सिस्टम चाहिँ केही महिनाअघि मात्र लन्च गरिएको थियो । यसको एएमटी गियर बक्सले अटोम्याटिकका समयमा म्यानुल जसरी नै काम गर्ने गरेको छ जसले टेरानोको यात्रालाई अझ रोचक बनाइदिन्छ ।
यसको बाहिरी डिजाइन अगाडितर्फ उस्तै रहेको छ । अगाडि पट्टी मल्टिक्लस्टर्ड डिस्प्लेका साथै डेटाइम एलइडी लाइटहरु पनि जडान गरिएको छ । त्यस्तै हेडलाइटले पनि नयाँ टेरानोलाई अझ आधुनिक रुप दिएको छ । टेरानोको प्रदर्शन र यसको स्वरुपका कारण नेपालमा पनि अन्य गाडीहरुसँग तीव्र प्रतिष्पर्धा गर्न सक्ने देखिएको छ ।
बजारमा पनि नयाँ टेरानोलाई अन्य प्रतिष्पर्धीले मुख्य प्रतिष्पर्धीकै रुपमा हेरेको पाइएको छ । नेपालको लागी निशान ब्राण्डका गाडीहरुको आधिकारिक बिक्रेता पायोनियर मोटोकर्पले बहुचर्चित न्यू टेरानो यसैसाता सार्वजनिक गरेको छ । सार्वजनिक समारोहमा पनि २२ नयाँ आकर्षक बिशेषताहरु रहेको जानकारी गराइएको थियो । शानदार बनोट रहेको दाबीका साथै गाडीका आन्तरिक सजावट अतुलनीय छ । न्यू टेरानोको मूल्य रु.४२ लाख ९९ हजारदेखि उपलब्ध छन् र अहिले सुरुवात समयमा काठमाडौं उपत्यकाबाहिर ११ वटा स्थानबाट बिक्री वितरण गरिनेछ ।
न्यू प्रिमियम डुअल टोन इन्टेरियर, क्रुज कन्ट्रोल, ७.० टच स्क्रीन नेभिगेसन सिस्टम, स्टिेरिङ्ग माउण्टेड अडियो ÷ फोन कन्ट्रोल, वान टच लेन चेन्ज इन्डिकेटर, एन्टि पिच ड्राइभर साईड विन्डो र न्यू स्टेरिङ्ग व्हिल डिजाइन सहितका २२ नयाँ विशेषताहरु छन् । न्यु टेरानो नेपाल लगायत सार्क देशहरुलाई लक्षित गरिएको छ ।
न्यू टेरानोमा छ स्पिड अत्याधुनिक अटो ड्राईभमा पनि उपलब्ध छ । जसमा गियर सिस्टम कम्प्यूटरद्धारा नियन्त्रण गरिन्छ र यसले शहरको ट्राफिक होस् वा हाइवे सबैतिर एकदमै आनन्दको ड्राइभिङ्ग अनुभव दिने कम्पनीको दाबी छ ।