काठमाण्डौ । उदीयमान बजारका लागि संसारकै अग्रणी मनोरन्जन सेवा प्रदायक मानिएको आईफ्लिक्सले अब रोमान्टिक कोरियन ड्रामा माई फर्स्ट लभ को प्रिमियर गर्ने भएको छ ।
सुरुका चार एपिसोड आजैबाट स्ट्रिम र डाउनलोडका लागि आईफ्लिक्समा उपलब्ध भएको कम्पनीले जनाएको छ ।
साथै, कोरियाको ओसिएन टेलिभिजनले हरेक साता मंगलबार र बुधवार प्रसारण गरेको २४ घण्टापछि हरेक हप्ता नयाँ-नयाँ एपिसोड उपलब्ध हुने कम्पनीले जनाएको छ ।
किम ही र्यार र किम ब्युंग क्वानको वेब-कमिक धारावाहिक माई फर्स्ट लभ ले पहिलो प्रेमको अविस्मरणीय कथा प्रस्तुत गरेको छ ।
दश बर्ष व्यतित भइसक्दा पनि कांग शिन-वू (ली जुंगशिन) ले आफ्नो पहिलो प्रेम हान जी-सू (लिई यील-युम) लाई बिर्सन सक्दैन l अचानक कांग अतितमा फर्किन्छ र आफ्नो युवा अवस्थाको समय (सिओ-जी-हुन) महसुस गर्छ l त्यहीबेला उसलाई आफ्नो इतिहास पुनर्लेखन गर्ने मौका दिइन्छ ताकि उसले हाइस्कुलका यादहरू सच्याउन सकोस् l
आईफ्लिक्सलाई कोरियन मनोरन्जनको उत्कृष्ट गन्तब्य बनाउनका लागि लोकप्रिय र अत्यधिक प्रशंसा पाएका कोरियन ड्रामाहरू सेक्रेट गार्डेन, गब्लिन, द लिजेंड अफ द ब्ल्यु सी, डिसीडेन्टस् अफ द सन्, द इन्हेरिटरस् र अरु धेरै लगायत माई फर्स्ट लभ पनि आईफ्लिक्सको बृहत् लाइब्रेरी संलग्न गरिएको हो l
आईफ्लिक्सकी नेपाल कन्ट्री लिड भावना घिमिरे भन्छिन्, “हामी कोरियन ड्रामाको क्रेजलाई नेपालका आईफ्लिक्स सब्स्क्राइबर माझ पस्किन पाउँदा धेरै हर्षित छौं l अब सिधै कोरियाबाट टेलिभिजनले प्रसारण गरेको २४ घण्टामैं माई फर्स्ट लभका एपिसोडहरू दर्शकसामु आइपुग्नेछन् l हाम्रा सब्स्क्राईबरमाझ माई फर्स्ट लभ पस्किनु भनेको हामी अत्यन्तै उत्कृष्ट शोहरू मात्र दिन्छौं है भन्ने प्रतिबद्धताको एउटा उदाहरण हो l त्यसमाथि उहाँहरूले हेर्न चाहेका सामग्री, उहाँहरूकै तरिकाले हेर्न मिल्ने l”
एसिया, मध्यपूर्व र अफ्रिकाका २५ राष्ट्रमा १ अर्बभन्दा बढी प्रयोगकर्ताका लागि उपलब्ध आईफ्लिक्सले भिडियो स्ट्रिमिङका सन्दर्भमा बजारको अग्रस्थानमा आफूलाई स्थापित गरिसकेको दाबी गरेको छ l
अंग्रेजी सबटाइटल सहित माई फर्स्ट लभ हेर्न तलको लिंकमा जान सकिनेछ ।