काठमाडौं । न्यूनतम् पारिश्रमिक निर्धारण समितिका अध्यक्ष गंगाधर पराजुलीले पदभार ग्रहण गरेका छन् । उनले बुधबार दिउँसो पारिश्रमिक निर्धारण समितिको अध्यक्षको हैसियतमा पदभार ग्रहण गरेका हुन् ।  

केही दिनअघि बसेको मन्त्रिपरिषद्को बैठकले पत्रकार पराजुलीलाई दुई वर्षका लागि समितिको अध्यक्षमा दुई वर्षका लागि नियुक्त गरेको थियो । समितिको रिक्त अध्यक्ष पदका लागि मन्त्रालयले आव्हान गरेको खुला आवेदनमा आठ जनाको आवेदन परेको थियो । आवेदकमध्येबाट कार्ययोजना र प्रस्तुतीकरणपछि अन्तिम छनौटमा परेका पत्रकार पराजुलीलाई सरकारले समितिको अध्यक्षमा नियुक्त गरेको हो ।

पराजुली झण्डै अढाई दशकदेखि पत्रकारिता पेशामा आवद्ध छन् । व्यवस्थापन विषयमा स्नातकोत्तर तहसम्मको अध्ययन गरेको भएपनि उनी २०४९ सालदेखि पत्रकारितामा निरन्तर सक्रिय छन् ।