काठमाडौं । बलिउड अभिनेता वरुण धवन निजी जिन्दगीलाई लिएर सधै चर्चामा आइरहन्छन् । उनको प्रोफेशनल जिन्दगीभन्दा बढी उनको निजी जिन्दगीका बारेमा हरेकले बढीभन्दा बढी जानकारी पाउन उत्सुकता देखाउँछन् ।
केही दिन अघि वरुण र उनकी पे्रमिका नताशा दलालका बीचमा सम्बन्ध सुमधुर नरहेको समाचार बाहिरिएको थियो । दुवैले एक अर्कासँग कुराकानीसमेत गर्न बन्द गरिसकेका थिए । उनीहरु अघिल्लो दिपावलीको पार्टीमा एकसाथ देखिएका थिए । त्यो बेलादेखि उनीहरुका बीचमा कुनै सम्बन्ध नरहेको अनुमान गरिएको थियो ।
पछिल्लो समयमा नताशाले आफ्नो इन्स्टाग्राम एकाउन्टबाट वरुणलाई अनफलो गरेकी छन् । नताशाले वरुणलाई आफ्नो मनदेखि सोशल मिडियाबाट पनि बाहिर निकालीसकेकी भारतीय सञ्चारमाध्यमले जनाएका छन् । वरुण र नताशा लामो समयदेखि सम्बन्धमा थिए ।