काठमाडौं । नेपालको लागी निशान ब्राण्डका गाडीहरुको आधिकारिक बिक्रेता पायोनियर मोटोकर्पले बहुचर्चित तथा विश्वब्यापी लोकप्रिय गाडी कम्प्याक्ट एसयुभी न्यू टेरानो सार्वजनिक गरेको छ ।  

जसमा २२ नयाँ आकर्षक बिशेषताहरु छन् जसले स्मार्ट र वोल्डको अनुभूति ग्राहक वर्गलाई दिलाउँदछ । 

शानदार  बनोट रहेको दाबीका साथै गाडीका आन्तरिक सजावट अतुलनीय छ । 

आजकलको यूवा पुस्तालाई लक्षित गरी सडकमा बोल्ड रुपमा उपस्थिति जनाउन एसयूभीले युवा वर्गका ईच्छालाई आत्मसात गरेको छ । न्यू टेरानोको मूल्य रु.४२ लाख ९९ हजारदेखि उपलब्ध छन् र अहिले सुरुवात समयमा  काठमाडौं उपत्यकाबाहिर आठ वटा स्थानबाट बिक्री वितरण गरिनेछ । उक्त गाडी सार्वजनिक कार्यक्रममा शारदा ग्रुपका निर्देशक संदिप शारदाले भने, “ग्राहक वर्गहरुको इच्छा र मुल्य मान्यतालाई पूरा गर्ने हाम्रो प्रतिवद्धता द न्यू निशान टेरानोले पूरा गर्नेछ । विश्व प्रख्यात निशान एसयूभीले एकदमै नयाँ आन्तरिक अत्याधिक स्पेस र स्मार्ट बिशेषताहरु  सहित  सडकमा बोल्ड उपस्थिति जनाउनेछ । यसमा भएको स्मार्ट र बोल्ड विशेषताहरुले  हाम्रा ग्राहकवर्गहरुको ड्राइभिङ आरामदायी, सजिलो र रोमान्चक वनाउनेछ ।”

न्यू प्रिमियम डुअल टोन इन्टेरियर, क्रुज कन्ट्रोल, ७.० टच स्क्रीन नेभिगेसन सिस्टम, स्टेरिङ्ग माउण्टेड अडियो / फोन कन्ट्रोल, वान टच लेन चेन्ज इन्डिकेटर ,एन्टि पिच ड्राइभर साईड विन्डो र न्यू स्टेरिङ्ग व्हिल डिजाइन सहितका २२ नयाँ विशेषताहरु छन् ।  नेपाल लगायत सार्क देशहरुलाई  लक्षित गरी दुबै शहर र वाहिरका अप्ठ्यारा  बाटो समेतलाई ध्यान दिई निशान ग्लोबलले बनाएको एसयूभीको निशान टेरानो एक उदाहरण हो । न्यू टेरानोमा छ स्पिड अत्याधुनिक अटो ड्राईभमा पनि उपलब्ध छ । जसमा गियर सिस्टम कम्प्यूटरद्धारा नियन्त्रण गरिन्छ र यसले शहरको ट्राफिक होस् वा हाइवे सबैतिर एकदमै आनन्दको ड्राइभिङ्ग अनुभव दिने कम्पनीको दाबी छ ।

न्यू निशान टेरानो कार विभिन्न थरीमा उपलब्ध छन् र यी एकदमै प्रतिस्पर्धात्मक मूल्य निर्धारण गरीएको छ जुन आफ्नो तहको गाडीमा एकदमै आकर्ष मूल्य हो ।
ग्रुपका निर्देशक सन्दिप सारदाले  भारतमा २०१३ देखिनै निशान टेरानोले कम्पनीको एसयूभीको रुपमा  स्थापित रहेको जानकारी दिए । उनले भने, “न्यू निशान टेरानोमा भएका विशेषताहरु र सडकमा यसको वोल्ड उपस्थितिले गर्दा यसले आफ्ना तहका अन्य गाडी भन्दा आफुलाई पृथक पृष्ठभूमिमा स्थापित गर्न सफल भएको छ । ”