ad

खेल

इंल्याण्डद्वारा अष्ट्रेलिया ५ विकेटले पराजित

इंल्याण्डद्वारा अष्ट्रेलिया ५ विकेटले पराजित

एजेन्सी । ५ खेलको एक दिवसीय क्रिकेट सिरिजको पहिलो खेलमा पाहुना टोली इंग्ल्याण्डले जित हात पारेको छ । इंग्ल्याण्डले घरेलु टोली अष्ट्रेलियालाई ५ विकेटले पराजित गर्दै सुखद् सुरुवात गरेको हो ।

३०५ रनको चुनौती पछ्याउँदै ब्याटिङ गरेको इंग्ल्याण्डले निर्धारित ५० ओभर सकिन ७ बलअघि नै ५ विकेटको क्षतिमा भेटायो । इंग्ल्याण्डका लागि जासन रोय र जोई रुटले उत्कृष्ट प्रदर्शन गरे । जासन रोयले शतकीय पारी खेल्दै १८० रन बनाए । उनले १५१ बलमा १६ चौका र ५ छक्का प्रहार गरे ।

त्यस्तै, रुटले नटआउट ९१ रन बनाएपछि इंग्ल्याण्डले शानदार जित हात पारेको हो । उनले ११० बलमा ५ चौका प्रहार गर्दै ९१ रन बनाएका हुन् । अष्ट्रेलियाका लागि मिचेल स्टार्क र पट कुम्मिन्सले समान २–२ विकेट लिए पनि इंग्ल्याण्डका ब्याट्सम्यानलाई रोक्न भने सकेनन् ।

यसअघि मेलबोर्न क्रिकेट मैदानमा टस हारेर पहिले ब्याटिङ गरको अष्ट्रेलियाले निर्धारित ५० ओभरमा ८ विकेट गुमाउँदै ३०४ रन बनाएको थियो । १० रन हुँदा ओपनर्स डेविड वार्नरलाई गुमाएको अष्ट्रेलिया सम्हालिँदै खेलेको थियो । अष्ट्रेलियाका लागि ओपनर्स आरोन फिन्चले शतक प्रहार गर्दै टिमलाई उकासेका थिए । उनले ११९ बलमा १० चौका र ३ छक्काको मद्दतमा १०७ रन बनाए ।

अष्ट्रेलियाका लागि मार्कुस स्टोइनिसले ६० र मिचेल मार्सले ५० रनको योगदान दिए । टिम पाइनले २७ र कप्तान स्टेभन स्मिथले २३ रन बनाए । यता इंग्ल्याण्डका लागि लिम प्लुंकेटले ३ र आदिल रशिदले २ विकेट लिए । ५ खेलको एक दिवसीय क्रिकेट सिरिजमा इंग्ल्याण्डले १–० ले लिड गरेको छ । दोस्रो एक दिवसीय खेल १९ जनवरीमा हुनेछ । 
 

तपाईंको मत