खेल

केनको रेकर्डमा टोटनह्यामको जित

काठमाडौं । इंग्लिस प्रिमियर लिग फुटबलमा टोटनह्यामले शानदार जित हात पारेको छ । शनिबार राति भएको खेलमा टोटनह्यामले एभर्टनलाई ४–० गोलअन्तरले पराजित गरेको हो । 

घरेलु मैदानमा भएको खेलमा टोटनह्यामलाई जित दिलाउन ह्यारी केनले २, सन हेउङ मिन र इरिक्सेनले समान १–१ गोल गरे । खेलको २६ औं सन हेउङ मिनले गोलद गर्दै टोटनह्यामलाई अग्रता दिलाएका थिए । पहिलो हाफमा १–० गोलले अघि रहेको टोटनह्यामले दोस्रो हाफमा थप ३ गोल गर्न सफल भयो ।

खेलको ४७ औं मिनेटमा केनले गोल गर्दै टोटनह्यामलाई २–० गोलको अग्रतामा पु¥याए । खेलको ५९ औं मिनेटमा केनले फेरी अर्को गोल गर्दै ३–० मा पु¥याएका थिए ।

केनले २ गोल गरेसँगै उनले प्रिमियर लिगको एकै सिजनमा सर्वाधिक गोल गरेका छन् । उनले यो सिजनमा मात्रै २० गोल गर्दै सर्वाधिक गोल गर्ने खेलाडी बनेका हुन् ।

एकपछि अर्को राम्रो प्रदर्शन गर्दै दबाब दिएको टोटनह्यामका लागि खेलको ८१ औं मिनेटमा इरिक्सेनले गोल गर्दै ४–० गोलको जित दिलाएका हुन् ।

जित हात पारेको टोटनह्याम लिगको पाचौं स्थानमा छ । २३ खेल खेलेको टोटनह्यामको ४४ अंक रहेको छ । यता पराजित इभर्टन लिगको नवौं स्थानमा छ । लिगको शीर्ष स्थानमा भने म्यान्चेस्टर सिटी रहेको छ । सिटीको २२ खेलबाट ६२ अंक रहेको छ । दोस्रो स्थानमा रहेको म्यान्चेस्टर युनाइटेडको ४७ अंक रहेको छ ।
 

तपाईंको मत