काठमाडौं । जैविक स्वतन्त्रता र यौन मनोविज्ञानमा आधारित विषयवस्तुमा आफ्ना सशक्त अभिव्यक्ति दिँदै आएकी आख्यानकार अनुपम रोशीको चौथो कृति ‘मध्यान्तर‘ बजारमा आएको छ । राजधानीमा आयोजित कार्यक्रममा वरिष्ठ कथाकार माया ठकुरी, लेखक एवम् समीक्षक युग पाठक, डा. रजनी ढकाल, केशव सिग्देल र लेखक अनुपम रोशीले पुस्तकको संयुक्त रुपमा विमोचन गरे ।
पुस्तकमाथि टिप्पणी गर्दै कथाकार ठकुरीले अनुपमको कथा लेख्ने शैैली र भाषा निकै गजब रहेको बताइन् । समीक्षक पाठकले अनुपम रोशीका कथाहरु परम्पराभन्दा भिन्न र शक्तिशाली रहेको विचार व्यक्त गरे ।
रजनी ढकाल र केशव सिग्देलले पनि रोशीको कथा शिल्प, विषय उठान र भाषाको प्रसंशा गरे । यसअघि लेखक अनुपम रोशीका कुमारी आमा, नाङ्गो मान्छे र कालो छाया गरी तीन उपन्यास प्रकाशित छन् । पुस्तक बीएन पुस्तक संसारले बजारमा ल्याएको हो ।