काठमाडौं । प्रदेशसभामा समानुपातिकतर्फ कांग्रेस र एमालेले हाराहारीमा प्रतिनिधित्व गर्ने भएका छन् ।

निर्वाचन आयोगले शुक्रबार सार्वजनिक गरेको सूचीमा कांग्रेस र एमालेको जम्मा ३ सिट मात्रै फरक रहेको छ । तर प्रत्यक्षतर्फ भने नेकपा एमाले निकै अघि रहेको छ ।

समानुपातिकतर्फ नेकपा एमालेले ७ वटा प्रदेशमा गरेर ७५ सिट प्राप्त गरेको छ भने नेपाली कांग्रेसले ७२ सिट प्राप्त गरेको छ । माओवादी केन्द्रले ३५, संघीय समाजवादी फोरम नेपालले १३, राजपा नेपालले १२, राप्रपाले ३, विवेकशील साझाले ३ सिट प्राप्त गरेका छन् । विवेकशील साझाले प्रदेश नम्बर ३ मा ३ सिट प्राप्त गरेको छ ।

त्यसैगरी नयाँ शक्ति पार्टी नेपालले १, राष्ट्रिय जनमोर्चाले २, संघीय लोकतान्त्रिक राष्ट्रिय मञ्च, नेपाल संघीय समाजवादी पार्टी, नेमकिपा र राप्रपा प्रजातान्त्रिकले १ सिट प्राप्त गरेका छन् ।