काठमाडौं । नेपाली कथानक चलचित्र ‘रोमियो एण्ड मुना’ को  गीत ‘स्याडविच मी...’ को भिडियो प्रशारण गर्न केही टेलिभिजन च्यानलहरुले प्रसारण गर्न अस्वीकार गरेका छन् । 

“नेपाल टेलिभिजन र कान्तिपुर टेलिभिजनले प्रशारण नगर्ने भन्ने जानकारी पाएको छु,” निर्देशक नरेशकुमार केसीले भने, “अन्य च्यानलहरुले खासै त्यस्तो प्रशारण नगर्ने भन्ने सुनेको छैन ।” 

गीत भल्गर भएको भन्दै टेलिभिजनले बजाउन नमानेका हुन् । 

निदेर्शक केसीले खुला समाज निर्माण हुँदै गएको अवस्थामा युवा पुस्ताले कस्तो जीवन बाँचिरहेका छन् भन्ने चलचित्रले देखाउन खोजेको स्पष्ट पारे । 

उक्त चलचित्रको गीत रिलिज कार्यक्रममा नायक विनय श्रेष्ठ दुई ‘बिकिनी गल्र्स’ सँग कार्यक्रम स्थलमा पुग्दा उनको आलोचना खेप्नु परेको थियो । फागुन ११ गतेबाट प्रदर्शनमा आउने चलचित्रमा विनय श्रेष्ठ र श्रृष्टि श्रेष्ठ मुख्य भूमिकामा छन् ।