काठमाडौं । प्रतिनिधिसभा निर्वाचन अन्तर्गत समानुपातिकतर्फको अहिलेसम्म करिब ७७ लाख मतगणना सकिएको निर्वाचन आयोगले जनाएको छ ।
निर्वाचन आयोगका अनुसार अहिलेसम्म नेकपा एमाले समानुपातिकतर्फ पनि अग्र स्थानमा रहेको छ । एमालेले समाचार तयार पार्दासम्म समानुपातिकतर्फ २६ लाख २६ हजार ३३१ मत प्राप्त गरेर पहिलो स्थानमा रहेको छ ।

एमालेलाई पछ्याउँदै नेपाली कांग्रेस २५ लाख ३९ हजार ८८० मतसहित दोस्रो स्थानमा रहेको छ । त्यसैगरी माओवादी केन्द्र १० लाख ४२ हजार ७९४ मतसहित तेस्रो स्थानमा रहेको छ । संघीय समाजवादी फोरम नेपाल ३ लाख ५१ हजार ५१९ मतका साथ चौथो स्थानमा रहेको छ ।

त्यसैगरी पाँचौं स्थानमा अहिले राजपा रहेको छ । राजपाको अहिलेसम्म २ लाख ९५ हजार ५४३ मत रहेको छ । छैटौंमा रहेको राप्रपाले १ लाख ७५ हजार ४४६ मत प्राप्त गरेको छ । सातौंमा रहेको विवेकशील साझाले १ लाख ७३ हजार ७५४ मत प्राप्त गरेको छ ।

त्यसपछि प्रत्यक्षतर्फ एकसिट जित हासिल गरेको नयाँ शक्तिले देशभरबाट अहिलेसम्म जम्मा ६९ हजार १६० मत प्राप्त गरेको छ । राप्रपा प्रजातान्त्रिक ६३ हजार ८६२ मतका साथ नवौं स्थानमा रहेको छ भने नेमकिपा ५०३७३ मतसहित दशौं नम्बरमा रहेको छ ।