काठमाडौं । नेपाली कांग्रेसका नेता अमरेशकुमार सिँह सर्लाही निर्वाचन क्षेत्र नम्बर ४ बाट प्रतिनिधिसभा सदस्यमा निर्वाचित भएका छन् । राष्ट्रिय जनता पार्टी नेपालका उमेदवार राकेशकुमार मिश्रलाई १५ सय ३९ मतले पछि पार्दै सिँह प्रतिनिधिसभा सदस्यमा विजयी भएका हुन् । 

कुल खसेको मत मध्ये २९ हजार ६७५ मत प्राप्त गरेर कांग्रेस नेता सिँह प्रतिनिधिसभा सदस्यमा निर्वाचित भएका निर्वाचन आयोगले जनाएको छ । उनका निकटतम् प्रतिद्वन्द्वी मिश्रले १८ हजार १३६ मत ल्याएका छन् । सर्ला निर्वाचन क्षेत्र नम्बर ४ मा रहेका कुल ९२ हजार ५४३  मतदाता मध्ये ५६ हजार ४४० जनाले मतदान गरेका थिए ।