अर्थ व्यवसाय
काठमाडाैं । नेपाल विद्युत प्राधिकरणले महसुल नतिरेको भन्दै धमाधम विद्युत लाइन काट्न थालेपछि ग्राहकले महशुल वक्यौता तिर्न थालेका छन् ।
हालसम्म ९७९ ग्राहकले ४ करोड ४४ लाख ६२ हजार रुपैयाँ महशुल भुक्तानी गरेका छन् । विद्युत प्राधिकरणले भदौ ३ गतेदेखि विद्युत महशुल नबुझाउनेको लाइन काट्न थालेको हो । प्राधिकरणले हालसम्म २ हजार ४ सय ९६ जनाको विद्युत लाइन काटेको छ । यी ग्राहकबाट १६ करोड ८५ लाख ८३ हजार रुपैयाँ उठ्न बाँकी रहेको प्राधिकरणले जनाएको छ ।
अर्बौं रुपैयाँ वक्यौता भएपछि ऊर्जामन्त्री जनार्दन शर्माले महशुल नतिर्नेको विद्युत लाइन काट्न निर्देशन दिएपछि प्राधिकरणले धमाधम लाइन काट्न थालेको हो । व्यक्तिगत उद्योग र सरकारी कार्यालयबाट गरी करिव ९ अर्ब ८६ करोड रुपैयाँ असुल हुन बाँकी छ ।
प्रकाशित मिति: आइतबार, भदौ १२, २०७३ १९:०५
प्रतिक्रिया दिनुहोस्